Annotationes anatomicae de velamentis cerebri et medullae spinalis : programma quo festum Academiae Turicensis die XXX. Aprilis hora X. in aula nova celebrandum / indicit Fridericus Arnold.

  • Friedrich Arnold
Date:
1838
Catalogue details

Licence: Public Domain Mark

Credit: Annotationes anatomicae de velamentis cerebri et medullae spinalis : programma quo festum Academiae Turicensis die XXX. Aprilis hora X. in aula nova celebrandum / indicit Fridericus Arnold. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/28 page 11
    spinalis vasis abundat, ligamentum vero denticulatum pauca tantum habet, et quod hoc valde solidum, compactum, fibratum et argenteo splendore praeditum apparet, in illa vero omnia inveniuntur, quae tunicis vasculosis propria esse solent. Keuffelius22) quidem contendit, membranam tenuem, quae pia mater vocetur, non minus solidam atque compactam esse, quam duram matrem; illam habere fibras et transversas et rectas, has, scilicet rectas numero plures, et illam denique inter membranas fibrosas esse referendam. At illam opinionem stabi- litam non esse quisque intelliget, qui in piam matrem in recenti aliqua medulla spinali inquisiverit vel eam, vasis tenui massa bene iniectis, examinaverit. Utraque enim vice tanquam celluloso-vasculosam membranam se exhibet, quae in membranam cerebri abit, minus tamen tenuis est, quam haec, quemadmodum ex altera parte neurilema nervorum formationem magis compactam habet, quam membrana vasculosa medullae spinalis. Quodsi fibrosam structuram ligamenti denticulati, eius argentei nitoris adspectum et intimam eius cum membrana fibrosa communionem spectamus et quod numerosi dentes (20 — 23) in illam abeant, perpendimus, si denique ea reputamus, quae paulo supra de eius diffe- rentiis et de separatione ab arachnoidea et a pia matre disputata sunt: veritati proxime accedere videntur ii anatomici, qui censent, ligamentum denticulatum ad duram matrem pertinere et tanquam eius portionem processibus interioribus tunicae fibrosae cerebri par esse ducendum. Nam quod Guntherus et Bichatius ligamentum denticulatum formationem quandam esse plane pecidiarem opinati sunt, hanc ob causam probare non possumus, quod in eo natura fibrosa, qua insignitum est, non potest non percipi, et quod illud in duram matrem abire prorsus apparet. Caeterum, id quod bene tenendum, ille processus a proces- sibus durae matris cerebri in eo differt, quod hi cum acuta sua parte introrsum vergantur et basin suam extrorsum habeant, ligamentum vero denticulatum cum basi in latere medullae spinalis sedeat et multis suis dentibus extrorsum versum sit. Ea differentia inde orta esse videtur, quod medulla spinalis in canale
    digitised image 1
    digitised image 2
    digitised image 3