Les médecins, astrologues, chirurgiens et lettrés à Paris pendant la guerre de cent ans : d'après la chronique de Guillebert de Mets / A. de Mets.

  • Mets, A. de
Date:
1934
Catalogue details

Licence: In copyright

Credit: Les médecins, astrologues, chirurgiens et lettrés à Paris pendant la guerre de cent ans : d'après la chronique de Guillebert de Mets / A. de Mets. Source: Wellcome Collection.

    44/54 page 40
    ses contenans lespace dune ville de grandeur. Aux halles lez le pillory, est une fontaine, en la rue Saint Denis deux, en la rue Saint Martin deux’. En greve est lestaple des vins, du bois de charbons, de foing et autres marchandises en nefz, la sont les por¬ teurs dafeutrures et botelleurs de foing. Le bel hostel de Bureau Daupmartin, en la « Courarie » lequel Bureau, entre les autres choses de son estât, tenoit ung poète de grant auctorité, appelle maistre Lorens de Premier Fai t; lostel de Digne Responde, en la vieille Monnoie et autres pluseurs. LOSTEL DE MAISTRE JACQUES DUCH1E EN LA RUE DES PROUVELLES. La porte duquel est entaillie de art merveilleux; en la cour es- toient paons et divers oyseaux a plaisance. La première salle est embellie de divers tableaux et escriptures denseignements atachiés et pendus aux parois. Une autre salle remplie de toutes maniérés distrumens, harpes, orgues, cielles, guiternes, psaltierons et autres, desquelz le dit maistre jaques savoit jouer de tous. Une autre salle estoit garnie de jeux deschez, de tables, et dautres diverses maniérés de jeux, a grant nombre. Item une belle Chappeîle ou il avoit des pulpitres a mettre livres dessus de merveilleux art, les- quelx on faisoit venir a divers sieges loings et prés, a destre et a senestre. Item ung estude ou les parois estoient couvers de pieres précieuses et d’éspices de souefve oudeur. Item une chambre ou estoient foureures de pluseurs maniérés. Item pluseurs autres cham¬ bres richement adoubez de lits, de tables engigneusement entailïies et parés de riches draps et de tapis a orfrais. Item en une haulte chambre estoient grand nombre darbalestes, dont les aucuns es¬ toient pains a belles figures. La estoient estendars, banieres, pen- nens, arcs a main, picques faussars, planchons, haches, guisarmes, mailles de fer et de plont, pavais, targes, escus, canons et autres engins, avec plenté darmeures, et briefment il y avoit aussi comme toutes maniérés dappareils de guerre. Item la estoit une fenestre faite de merveillable artifice, par laquele on mettoit hors une teste de plates de fer, creuse parmy laquele on regardoit et parlait a
    digitised image 1
    digitised image 2
    digitised image 3