De ophthalmia gonorrhoica : dissertatio inauguralis medica quam consensu gratiosi medicorum ordinis in Universitate Heidelbergensi eruditorum examini submittit / Joannes Nicolaus Scherrer.

  • Scherrer, Joannes Nicolaus.
Date:
1842
Catalogue details

Licence: Public Domain Mark

Credit: De ophthalmia gonorrhoica : dissertatio inauguralis medica quam consensu gratiosi medicorum ordinis in Universitate Heidelbergensi eruditorum examini submittit / Joannes Nicolaus Scherrer. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    19/48 page 13
    Ab Ophthalmia syphilitica, quam nonnulli Ophthalmiae gonorrhoicae parem putabant, natura, symptomatibus pro- priis et ipsa sede differt. Ophthalmia syphilitica est quoad indolem iridis inflammatio e praegressa aut adhuc existente lue venerea omni tempore orta, plerumque igitur morbus syphiliticus secundarius, qui in summo culmine ipso nunquam commutetur in blennorrhoeam. Ophthalmia gonorrhoica autem est conjunctivae inflammatio ac blennorrhoea primaria, quae raro et in casibus solum maxime malignis in iridem se ex- tendit. A blennorrhoea oculi simplice Ophthalmia gonorrhoica summatim conditionibus ipsam comitantibus, praegressa nempe gonorrhoea virulenta aut adhuc durante, diversa est, prae- terea symptomatum vehementia et decursu acutissimo, ocu- lum ita afficiente et delente, ut saepius paucis post diebus nullo modo possit conservari. Alia differentia est peculiaris muci secreti qualitas, imprimis quoad colorem muco gonor- rhoico simillima. In nulla alia oculi blennorrhoearum specie tempore tam brevi et tantae quantitatis muci secretio in apertum venit, in nulla alia muci secreti ita peculiaris est proprietas atque color. Ab Ophthalmia gonorrhoica eodem tempore plerumque solus unus corripitur oculus, dum in aliis blennorrhoeis creberrime uterque oculus simul afficitur. Velch1 ad hanc observationem confirmandam dicit, e mille casibus blennorrhoeae simplicis vix unum inveniri posse, in quo solus unus afficiatur oculus. Quodsi Ophthalmiae gonor- rhoicae processus morbosus multis in casibus non in solo uno saevit oculo, attamen paene nunquam uterque oculus simul arripitur morbo, quod in blennorrhoeis oculi aliis 1 A treatise on the Diseases of the Eye. London 1820. 8. p. 195.
    digitised image 1
    digitised image 2
    digitised image 3