Disquisitiones de nervis organisque centralibus cordis cordiumque ranae lymphaticorum experimentis illustratae : dissertatio inauguralis physiologica ... / publice defendet auctor Rudolfus Petrus Henricus Heidenhain ; adversariorum partes susceperunt L. Damrosch, E. Jansen, G. Risch.

  • Heidenhain, Rudolf, 1834-1897.
Date:
[1854]
Catalogue details

Licence: Public Domain Mark

Credit: Disquisitiones de nervis organisque centralibus cordis cordiumque ranae lymphaticorum experimentis illustratae : dissertatio inauguralis physiologica ... / publice defendet auctor Rudolfus Petrus Henricus Heidenhain ; adversariorum partes susceperunt L. Damrosch, E. Jansen, G. Risch. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    54/66 (page 53)
    nt fibrarum positione inter fasciculos musculares n. vagi fini- bus periphericis per musculum dimanantibus conditiones im- pertiantur, quibus mechanica vis debita celeritate agit, ut sti- mulum exhibere possit, quae conditiones a nudis vagorum truncis absunt. 3) Experientia nobis persuadet, nervorum expansiones terminales in stimulum aliter reagere ac eorum truncos (Weber). Itaque nervi vagi fines terminales mecha- nicis incitamentis aliter affici ac truncum, neque incognitum neque inexspectatum esse potest. Ligaturas certarum cordis partium incitamentorum instar in nervos constrictos agere, alia exempla confirmant. Irritatio galvanica superioris ventriculi marginis cordis motum accelerat, idem fit, si haecce pars ligatura constringitur, aut vulsellae brachiis comprimitur. Nam 1) cordis quies ligatura sinu- atriali inducta suspenditur, vinctura circa superiorem ventriculi marginem applicata. 2) Hae ligaturae oblatis conditionibus cordis pulsationes accelerant. Quodsi enim, ligatura circa sinum venosum adhibita, exspectamus, donec cordis pulsus re- dierunt, frequentiam eorum ligatura circa marginem atrio-ven- tricularem imposita non mediocriter augere possumus. In casu supra sub litt. c. relato, quo pulsationum frequentia tam erat exigua, ut singuli ictus intervallo minutarum 1]4 distarent, ventriculus, postquam margini ejus superiori vinctura erat im- posita, per plures hor. minutas singulas sese excipientes decies sexies micabat. Simili ratione aliis in casibus, margine atrio- ventriculari vulsellae angustae brachiis compresso, pulsationum frequentia a 4 ad 21, a 2 ad 12, a 3 ad 13, ab 8 ad 15 per singulas minutas evehebatur. — Quemadmodum mechanica ofiPensio marginis ventriculi superioris eundem profert effectum, quem galvanica irritatio, ita etiam de bulbo aortae compara- tum est. Si cordis ictus substricto sinu venoso inhibitus re- diit, frequentia ejus bulbo compresso certe potest augeri, etsi augmentum nunquam tantum est, quantum substricto ventriculi margine superiore. Proinde ligaturae simili ratione ac rivi intermittentes sti- mulorum more agunt. Vix ergo dubitaverim, cordis quietem, ligaturis circa confinium sinu-atriale impositis, ad vagi irrita-