Oeconomia regni animalis in transactiones divisa quarum haec tertia de fibra, de tunica arachnoidea, et de morbis fibrarum agit, anatomice, physice, et philosophice perlustrata ... / Ex autographo ... nunc primum edidit Jac. Joh. Garth Wilkinson.

Emmanuel Swedenborg

Date:: 1847

Credit: Oeconomia regni animalis in transactiones divisa quarum haec tertia de fibra, de tunica arachnoidea, et de morbis fibrarum agit, anatomice, physice, et philosophice perlustrata ... / Ex autographo ... nunc primum edidit Jac. Joh. Garth Wilkinson. Source: Wellcome Collection.

32/302 page 14

$liqui ei appensi vectes et funes effectum edant: sic etiam in cerebris. 88. Universa enim moles tot cavis et rimis hiulca facile con¬ surgere in tumorem, et alternis subsidere, seu varie expandi et constringi potest. Cerebrum est machina in motu et ad motum seu ad facultatem expansionis tam in communi quam in omni particulari conformata et prorsus adaptata. In communi; est enim spatium inter meninges, crassam nimirum et tenuem : est spatium inter circumvolutiones, quae anfractus dicuntur; sunt fossulae et sulci circum omnem congeriem substantiarum corti¬ calium in specie : sunt cavitates penitus in ipsa medulla, scilicet tres ventriculi, cum caeteris meatibus continuis : sic facultas et copia intumescendi et detumescendi, tam versus exteriora, quam versus interiora cerebro data est. In omni particulari; sunt spatiola et rimae circum unamquamque sphaerulam corticalem; sunt inter quamlibet fibram minimam et compositam, nam reti- formiter cohaerent: quae est ratio, quod singula pars cerebri in ipso flumine motus omnium appareat evidenter constituta, vide supra n. 68 ad 74. Necessum etiam est, ut cerebrum in hanc expansibilitatem sit formatum, nam sine motu actuali seu vi activa in causis, nihil sanguinis a regno cordis seu corpore sub¬ duceretur ; nec spiritus per fibras in provincias inferiores trans¬ funderetur ; sic nec pulmo respiraret, nec arteriae cum corde pulsarent: si fons quiesceret, quid non venae et rivi ? si causae, unde effectus ? 89. Ad memoratam hanc officinam ejusque apparatum chymi- cum fibra ab omni ambitu corticali cerebri educitur. Sic actum est de determinatione istarum fibrarum, quae membris et opera¬ tionibus cerebri chymicis impenduntur: caeterae vero, de quibus mox, non ad corpus callosum et per basin fornicis in ventriculos corrivantur, sed statim associatae fibris principiorum medullae oblongatae ad alios praestandos usus se accingunt. 90. Alia ejusdem cerebri fibra associata fibris corporum stria¬ torum et crurum medullce oblongatce emittitur ad nervos olfacto¬ rios, opticos et reliquos sensorios, quos simul ac eorum organa condit. Nervi olfactorii seu processus mammillares tanquam bini utres anteriori cerebri faciei affixi late suas sparsas radices e re¬ gione corporum striatorum trahunt. Nervi optici a cruribus$