Oeconomia regni animalis in transactiones divisa quarum haec tertia de fibra, de tunica arachnoidea, et de morbis fibrarum agit, anatomice, physice, et philosophice perlustrata ... / Ex autographo ... nunc primum edidit Jac. Joh. Garth Wilkinson.

  • Swedenborg, Emanuel, 1688-1772
Date:
1847
Catalogue details

Licence: Public Domain Mark

Credit: Oeconomia regni animalis in transactiones divisa quarum haec tertia de fibra, de tunica arachnoidea, et de morbis fibrarum agit, anatomice, physice, et philosophice perlustrata ... / Ex autographo ... nunc primum edidit Jac. Joh. Garth Wilkinson. Source: Wellcome Collection.

    60/302 (page 38)
    trema recta ferebantur, et pelluciditate eminebant, n. 23. Globu¬ lis in medullosa cerebri parte animadversis caepi cogitare, annon minima sanguifera vasa ex corticosis cerebri partibus egressa, iterum in ejusmodi tenues ramulos spargerentur, et eorum multa hos globulos quasi amplecterentur, aut globulis cederent: haec mea multos irregularium globulorum a vasculis cingi sententia corroborabatur, cum vidissem multa traditorum vasculorum in medio clara esse, et utrinque subfuscum prae se ferre, et adhuc amplius, cum globulis disruptis multas tenues fibrosas partes, quae in quantum apparet, vascula sunt, jacentes deprehendis¬ sem,” n. 22. Sed quia haec species glandularum non nisi quam in confectis aliqua tabe cerebris offenditur, iterum moneo, quod probe cavendum sit, ne glandulae genuinae corticales pro illis assumantur, quarum multa copia ipsi medullosae cerebri parti seductis que ejus recessibus immersatur, nec ab invicem visu melius quam fibrae et vascula discernuntur : sed immensa et obtinet differentia intrinseca, quo enim major copia glandularum corticalium in cerebris datur, eo valentior eorum est status; at quo major copia glandularum hujus generis, eo cerebra valetu¬ dine infirmiora et graviora sunt; quare hae glandulae cerebri adulterinae, et earum ductus fibrae spuriae nominandae sunt. Ex anatomia satis constat, quam prona et facilis sit natura glandulares tales compages confabricandi, et per eas res lapsas et lapsuras restituendi, cumprimis in corpore. Interim, quod tot sint species canaliculorum et filamentorum in compage medul¬ losa cerebri, cerebelli, medulles oblonyatee et spinalis, autopsia declarat. 131. Hesc fila diversee originis, natur ce et functionis se mutuo in reticulares plexus consociant, et distincte complicant: de na¬ tura vasculi et fibrae comparata, et de utriusque functione, tum etiam de vasculis fibrae aemulis in sequentibus dicendum est: id solum in antecessum, quod fibrae cum vasculis mutuo consociatae in meros plexus tanquam reticulares, minores intra majores, facessant; et quod ipsa compages medullosa sit talium plexuum series et concatenatio : ex determinatione enim fibrarum constat, quod quaelibet fibra, undecunque ducitur, ad peculiare munus in corpore obeundum anhelet, quapropter [fibrae] socias et obvias decussant, superequitant, anastomosi amplectuntur, deserunt, iterum contingunt et osculantur; de his ita Clar. Malpighius ; “ Substantia medullaris innumeras in fibrillas, ex quibus simul