De glandularum secernentium structura penitiori earumque prima formatione in homine atque animalibus. Commentatio anatomica ... / [Joh Müller].

  • Johannes Peter Müller
Date:
1830
Catalogue details

Licence: Public Domain Mark

Credit: De glandularum secernentium structura penitiori earumque prima formatione in homine atque animalibus. Commentatio anatomica ... / [Joh Müller]. Source: Wellcome Collection.

    15/182 page 5
    tibus bibliopolae et laboribus sculptoris Joh. Schroeter contigit, votis maximis satisfacere. Ceterum na¬ turam icone summa fide imitandi suprema nobis lex erat. Neque sufficiebat, singularem formationem mi- croscopio vel alia arte extricasse, atque summam observationum icone expressisse, „ut Sciiumlanscius cete- roquin praeclarus fecit in renum fabrica delineanda, non naturam ipsam, sed observationum eventum deli¬ neando exhibens. Imo nunquam praeter naturam ipsissimam aliud quidquam icones nostrae summa fide exprimunt. Itaque nunquam distinctius quidquam delineavimus, quam in natura ipsa vidimus; sed omnia tam distincta aut indistincta expressimus, qualia oculis obversabantur, prorsus ut icones nostrae intuenti lectori benevolo loco observationum ipsarum esse possint. Praeparata in opere nostro descripta, iis exceptis, quae museorum aliorum sunt, in collectione mea propria asservantur; injectiones descriptas saepius jam spectantibus obtuli, eaeque cum ceteris visitanti cuique prostant. Videre Professores 111. Nees ab Esenbeck, a Waltiier, Bisciiof, Noeggerath, We- BER, Naumann, Kilian, omnes in universitate nostra collegae. Ceteri autem, qui praeparata viderunt suoque judicio praeclaro me adjuverunt, sunt viri celeberrimi et praeclari: Tiedemann, G. R. Trevira- nus, a Froriep, Muenz, Schroeder van der Kolk, anatomes antistites, Cl. Galezowsky, Prof. Wil- nensis, Cl. Heyfelder et Cl. Becker M. D. Antecessores pauci erant; quametsi enim dispersas varias de glandularum anatomia comparata com¬ mentationes sedulus tum in bibliotheca universitatis literariae Bonnensis nec non Berolinensis, tum in splen¬ didissimo 111. Rudolpiiii librorum apparatu consului, paucissima tamen de glandularum interna fabrica in¬ veni. Ferreinii quidem et Schumlanscii observata pretium stabile reservabunt. Sed recentissimum tem¬ pus symbola praestantissima paucorum virorum laboribus obtulit. Inter quae recenseo potissimum Cl. Rathkii pulcherrimas de renum et genitalium evolutione, eorumque anatomia comparata observationes, Cl. a Baer observata praestantissima de ovo incubato, ejusdem mammarum in cetaceis descriptionem, Cl. J. Fr. Meckelii mammarum in ornithorhyncho detectionem et descriptionem, Cl. E. H. Weberi eximias com¬ mentationes de anatomia folliculorum cutaneorum, de fabrica glandularum salivalium in avibus et mamma¬ libus, earumque prima formatione, Cl. Huschkii injectiones felicissimas ductuum uriniferorum, ex uretere ope antliae pneumaticae paratas, ejusque de renum fabrica in animalibus variis observationes. Hi viri omnes, quorum observata incrementum mirum augent, quod anatomia et physiologia ex historia evolutio¬ nis aeque cepere atque capient, facile ea, quae equidem ipsis debeo, dignoscent. Quum summa operis nostri modo in observationibus anatomicis versetur, parvam de secretione adjunctam commentationem pro additamento L. B. suscipiat. Initio consilium etiam erat, de organicis glandularum morbis librum adjiciendi. Sed mox persuasus sum, innumera nova observata iterum requiri. Nam, utut praestantissima sunt, quae anatomiae pathologicae hodie accedunt, symbola, omnia tamen cognitione penitioris glandularum fabricae indigent. Scilicet, utut laudandae sunt recentiores de tubercu¬ lorum ortu disquisitiones, nemo tamen hucusque gravissimam quaestionem dijudicavit, ubi primum massa tuberculosa oriatur, utrum in caveis cellularum pulmonalium tanquam secretum morbosum, an degenera¬ tione membranae cellularis et vasculosae telae. Sed plurimae aliae disquisitiones anatomico - pathologicae admodum rudes adhuc sunt et transeunter sub cadaverum sectionem obiterque factae; licet exempla quae¬ dam omnibus nota longe eximia excipiam. Sed anatomia glandularum pathologica difficultatibus innumeris premitur, mihique plurimae ejusmodi observationes non sufficiunt. Quid enim exspectandum est sine op¬ tima de glandularum sana fabrica cognitione, sine injectionibus, sine microscopica observatione? Neque vero vel tumores testiculorum, canaliumque ibi seminalium degenerationem accuratius examinavere. Quare ne mireris, maximam observationum ejusmodi copiam utilitati earundem admodum hodie contradicere. Tandem labores nostri ut scientiam vere promoveant, ex animo etiam atque etiani exopto. Quod uti fiat, observatores disquisitiones nostras augeant vocentque ad judicium. Non quidem magnopere eorum laudem curo et vituperium, qui ipsi observatione et experientia adeo difficili indigent; sed nihil magis exopto, quam ut, qui ipsi in hac anatomiae parte periti et observatores sunt, observationes nostras severo judicio subjiciant, vitia passim obvia revelent et ex propriis experientiis emendent, ut e. g. fabricam pan¬ creatis et testiculorum in Rajis et Squalis, non penitus nobis apertam, certiorem reddant, ut tandem ob¬ servata non modo augeant, sed etiam super morbosas degenerationes glandularum extendant. Bonnae mense Octobre 1829. Auctor. /
    digitised image 1
    digitised image 2
    digitised image 3