Volume 1
Essais de Michel de Montaigne : avec des notes de tous les commentateurs / Michel de Montaigne.
- Michel de Montaigne
- Date:
- [1882?]
Licence: Public Domain Mark
Credit: Essais de Michel de Montaigne : avec des notes de tous les commentateurs / Michel de Montaigne. Source: Wellcome Collection.
12/674 page 2
![Edouard (1), prince de Galles, celuy qui regenta si long temps nostre Guiemie, personnage duquel les conditions et la fortune ont beaucoup de notables parties de grandeur, ayant esté bien fort offensé par les Limosins, et prenant leur ville par force, ne peut estre arresté par les cris du peuple et des femmes et en- fants abbandoimez à la boucherie, luy criants mercy, et se iec- tants à ses pieds ; iusqu’à ce que passant tousiours oultre dans la ville, il apperceut trois gentilshommes françois qui, d’une hardiesse incroyable, soustenoient seuls l’efl'ort de son armee victorieuse. La considération et le respect d’une si notable vertu reboucha premièrement la poincte de sa cholere ; et commencea par ces trois à faire miséricorde à touts les aultres habitants de la ville. Scanderberch, prince de l’Epire, suyvant un soldat des siens pour le tuer, ce soldat ayant essayé par toute espece d’iiumili- tez et de supplications de l’appaiser, se résolut à toute extré- mité de l’attendre l’espee au poing : cette sienne resolution ar- resta sus bout la furie de son maistre, qui pour luy avoir veu prendre un si honnorable party, le receut en grâce. Cet exemple pourra souffrir aultre interprétation de ceulx qui n’auront leu la prodigieuse force et vaillance de ce prince là. L’empereur Conrad troisiesme ayant assiégé Guelphe, duc de Bavieres (2), ne voulut condescendre à plus doulces conditions, quelques viles et lasches satisfactions qu’on luy offris!, que de permettre seulement aux gentilsfemmes (3) qui estoient assiégées avecques le duc, de sortir, leur honneur sauve, à pied, avecques ce qu’elles pourroient emporter sur elles. Et elles, d’un cœur magnanime, s’adviserent de charger sur leurs espaules leurs maris, leurs enfants, et le duc mesme. L’empereur print si grand plaisir à veoir la gentillesse de leur courage, qu’il en pleura d’ayse, et amortit toute cette aigreur d’inimitié mortelle et ca- pitale qu’il avoit portée à ce duc ; et dez lors eu avant traicta humainement luy et les siens. L’un et l’aultre de ces deux moyens m’emporteroit ayseement ; car i’ay une merveilleuse lascheté vers la miséricorde et mansue- (1) Que les Anglais noniinent communément (he Black prince, le prince \oir, fils d’Édouard III, roi d’Angleterre, et père de l’infortuné llicliard II. Le trait suivant se trouve dans Froissart, vol. I, cliap. 289, pag. 368 et 309. C. (2) En lldO, dans Weinsberg, ville de la haute Bavière. Voy. Calvisius, Opus chronologicum. C. [i] A uæ femmes de genlils/iommes.](https://iiif.wellcomecollection.org/image/b24871230_0001_0012.jp2/full/800%2C/0/default.jpg)
