Opera omnia / Edidit Guilielmus Alexander Greenhill.

  • Thomas Sydenham
Date:
1846
Catalogue details

Licence: Public Domain Mark

Credit: Opera omnia / Edidit Guilielmus Alexander Greenhill. Source: Wellcome Collection.

    9/708
    EDITORIS MONITUM. —♦— Quid in liac nova Thomae Sydenham Operum editione adornanda praestiterim, aequus judicet Lector; quid prae¬ stare voluerim, hic breviter exponam. Inprimis in animo erat textum exhibere a mendis, quibus scatent editiones nuperae, quam potui purissimum. Quod ut efficerem, ad antiquas et genuinas ascendendum erat editiones, eam praecipue quam cujusque Tractatus postre¬ mam Auctor adhuc vivus recensuit; neque ab his unquam sciens recessi, nisi si quando manifestum occurreret mendum typographicum, vel memoriae lapsu ipse peccavisset Auctor. Sicut tamen Auctor Clarissimus eandem vocem non semper eodem modo scripsit, sic ipse fortasse non ubique mihi constitisse inveniar; in quo si deliquerim, fraudi fuit editio recens Germanica quam typographo tradidi in manus, quae sextam fere partem vocabulorum aliter atque ab ipso Auctore scriptam referebat. Textui breves adnotatiunculas subjeci, quarum aliae Syden- hamium a se ipso illustrare, aliae voces aut phrases diffici¬ liores aut inusitatiores explanare, conantur; et quas haud omnino otiosas aut inutiles futuras spero.
    digitised image 1
    digitised image 2
    digitised image 3