Disquisitiones de sensu electrico : commentatio qua ad audiendam orationem pro aditu muneris professoris ordinarii in ordine medicorum Universitatis Fridericiae Guilelmiae Rhenanae die XXI. m. Martii a. MDCCCLX. h. XI. in aula maxima publice habendam invitat / auctor E.F.W. Pflueger.

  • Eduard Pflüger
Date:
1860
Catalogue details

Licence: Public Domain Mark

Credit: Disquisitiones de sensu electrico : commentatio qua ad audiendam orationem pro aditu muneris professoris ordinarii in ordine medicorum Universitatis Fridericiae Guilelmiae Rhenanae die XXI. m. Martii a. MDCCCLX. h. XI. in aula maxima publice habendam invitat / auctor E.F.W. Pflueger. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/16 page 5
    Viri illustrissimi, doctissimi, amicissimi, A. de Bezold et Isidor Rosenthal variationes illas morte incipiente productas disquirentes leges repererunt scitu dignissimas. Tres mortis nervorum gradus discernentes, illum primum appellant, quo lex contractionum ab ea nervi vivi minime discrepat. Qualiscunque igitur fluminis electrici minimi directio sit, clusionis effectus apertione maior est. Gradu secundo idem flumen electricum quacunque directione et clusione et apertione contractiones producit. Si iam vires electricas attenuamus, flumen descendens apertione, ascendens solum clusione effectum habent. Quod factum hucusque legem Nobilianam inver- sam appellavimus. Tertio denique gradu rivi descendentis clusio, ascendentis apertio contractiones solum efficit et ita lex usque ad mortem valet. Quem ulti- mum gradum legi Nobilianae consentaneum esse facile intelligitur. Antequam phaenomena illa explicem, incitabilitatem nervi, morte incipiente affecti, primo augeri nobis in memoriam reducamus necesse est. Incitabilitas ad maximum aucta diminuitur iterum tandemque evanescit. Quo sectioni nervorum pars certa propinquior, eo velocior illa graduum series est, quam ob rem, mor- tem a sectione orientem ad musculos per nervos motorios sicut irritabilitatem maximam descendere videmus. Quae si, electrodis nervo impositis, descendit usque ad superiorem electrodam, huic incitanti secundo gradu parat praestantiam. Semper iam electroda superior inferiori fortior est. Itaque fluminis descendentis apertio non clusio, ascendentis clusio non apertio contractiones efficit. Gradu tertio irritabilitas maxima illam nervi partem attigit, cui electroda inferior ap- posita est, quae valde superat efficacitate superiorem, illum nervi punctum incitans, quod facillime movetur. Itaque fluminis descendentis clusio neque apertio, ascen- dentis apertio neque clusio contractiones fortiores efficit. Iam ad legis Nobilianae explicationem transgrediamur. Disquisitionibus meis haec facta eo consistunt, ut certis conditionibus flumine descendente, per longius tempus nervum interfluente, apertionis catenae electricae effectus diminuatur, flu- mine ascendente vero clusionis. Itaque flumen, per longius tempus nervum affi- ciens, effectum praebet, tamquam auctum fuisset, quia nervus debilitatus est. Phae- nomena flumine ascendente producta, omnino theoriae consentanea sunt, quia an- electrotonus flumine longius durante augetur, et punctum indifferens loco move- tur ad electrodam negativam. Variationem legis Nobilianae, flumine descendente
    digitised image 1
    digitised image 2
    digitised image 3