Die Chirurgie des Heinrich von Mondeville (Hermondaville) : nach Berliner, Erfurter und Pariser Codices / zum ersten Male herausgegeben von Julius Leopold Pagel.

  • Mondeville, Henri de, active 14th century.
Date:
1892
Catalogue details

Licence: Public Domain Mark

Credit: Die Chirurgie des Heinrich von Mondeville (Hermondaville) : nach Berliner, Erfurter und Pariser Codices / zum ersten Male herausgegeben von Julius Leopold Pagel. Source: Wellcome Collection.

    88/690 (page 68)
    similibus, quia vulgus bene cognoscit ista, et dicit morbum fieri sine causa vel ab eventu, qui fit a causa intrinseca interiore vel antecedente, quae sunt idem secundum medicos, quia vulgus non cognoscit istas causas nec advertit de istis. De isto morbo. qui fit sine causa, habet vulgus tres diversas opiniones: IT: quod cyrurgicus non confert in cura istius nisi sit specialiter de eis, qui1) curant morbos ab eventu ita, quod non alios; 2“ opinio est, quod iste morbus provenit ex solo infortunio patientis; 3^ opinio est, quod provenit et raittitur a Deo glorioso et sublimi, quare cyrurgici non conferunt, cum non possint resistere contra Deum; immo credit vulgus, quod Deus et morbus insurgerent contra ipsum, et quod solus Deus percutit et sanat, vulnerat et medetur; immo multi sunt in tanta confidentia et devotione, quod aequaliter placet eis esse sani vel infirmi, qui nolunt sanari manu humana; immo dicunt: placet mihi esse infitmus, quia, ex quo sum, scio, quod placet Deo, et quia. si non placeret sibi, scio, quod non essem infirmus. Et quando dicitur istis: Veiles tu esse curatus? respondent2): Non manu humana; nec est possibile nec pla- ceret Deo, quia si vellet, statim essem curatus. Et expellunt turpiter ab hujusmodi curis cyrurgicos optimos et expertos, unde deceptores nolentes sic expelli negant se esse cyrurgicos vulnerum, qui habent scientiara ex doctrina et ex eo quod viderunt alios operari; sed dicunt se scientiam habere a Deo glorioso sibi infusam, per quam sciunt curare morbos ab eventu et ex dono Dei et Sanctorum provenientes et istam gratiam gratis datam non habent a doctrina sed ex mera provisione et ex gratia Salvatoris, cujus misericordia plena est terra. Hujusmodi autem sunt religiosi ficti, sicut hermitae et reclusi et antiquae meretrices et metatrices et aliqui consimiles, de quibus superius fuit sermo, qui cum aqua benedicta et divinis precibus et consimilibus alli- ciunt patientes, ut credant ipsos divinitus operari. Praedictam autem gratiam non habebat nec finxerat se habere quidam cyrurgicus mihi notus, qui cum tereret medicinas ad curandam fistuiam, quam morbum Sancti Eligii vocat vulgus, fregit mortarium suum casualiter, unde factus est rumor magnus in populo contra ipsum, quod hoc erat divinum miraculum et vindicia, quia volebat curare morbos Sanctorum. quorum cura debet solis divinis cyrurgicis reservari. 3) Notandum, quod nunc est consuetudo omnium principum, praela- torum et vulgalium in omnibus regionibus occidentis. et forte in calidis regionibus non est ita, quod de nullo medico [cyrurgico]3) scientifico con- fidunt, nisi parum dicentes, quod cyrurgicus non debet esse clericus, quia interim quod clericus intrat scolas, lai'cus addiscit modum manualiter ope- randi. Et ista ratio emanavit ex informatione cyrurgicorum la'icorum 4) illi- teratorum, qui continue assistunt divitibus et ab antiquo, quibus divites acquiescunt, maxime divitos illiterati ratione similitudinis illiterantiae5) dolentes graviter cum ipsis. quod debeat esse aliquis cyrurgicus literatus, nec dicta ratio sufficit ad probandum propositum vel intentum, quoniam ') 1487: tcmporaliter. 2) 1487: sic quod non. 3) fehlt in 1487. 4) 1487 und 16642: antiquorum. 5) 1487: illiteraturae.