De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/32 page 10
    coloris ex flavo cani admodum mutata est, etenim omnino in ramos tenues extracta est, quae arboris ramulorum instar discurrentes per substantiam mediam penetrant- Contemplatione accuratiore eas usque ad truncum crassiorem in medio situm per- sequi potes, cujus quasi ramuli habendi sunt. Ramulorum distributio plerumque satis regularis apparet, et quidem ita, ut truncus ille primum in finibus in binos ramos se findat, et pariter ex latere ramulum emittat, deinde hi sex rami rursus furcae instar in binos dividantur, iique in singula disci folia progrediantur, atque in his secundum binas partes incisura supra dicta formatas denuo in binos ramulos discedant. (Fig. 3.) Jam si spinam haud multo infra mediam partem dissecamus, segmenta trans- versa magis ovata sunt, massamque centralem, sive discum internum lucidiorem pro crassitudine totius spinae jam decrescente ambitu minutum videmus, quum ex- ternum stratum corneum ubique ejusdem crassitudinis esse jam dixerimus. In ejus formatione quoque metamorphosis regressiva cognoscitur, quae formae mutationes iis similes sunt, quas ab apice usque ad mediam spinam enumeravi, nisi quod ordine inverso fiunt. — Proximum segmentum transversum disci folia angustiora offert, atque substantia externa obscurior processus latiores inter eas insinuat; simul folia nonnulla in fine jam non ut antea in bina foliola fissa, sed magis rotunda sunt, neque jam substantiae intimae ramuli ea trajiciunt. Magis infra centrum ita muta- tum est, ut folia potius strias in fine latiores exhibeant, quin etiam nonnulla jam prorsus evanuerint. Substantia ex capo flavescens, etiam hic in singulas strias processus emittit, sed a priore statu eo discrepat, quod ejus massa primaria jam in parte media magis colligitur neque ramuli eandem distributionem regularem, quam antea, ostendunt. Etiam magis infra ultimae foliorum reliquiae evanuerunt; in seg- menti transversi parte media animadvertitur centrum pentagono vel hexagono simile, cujus latera versus interiora curvata sunt, anguli vero elongati et rotundati proce- dunt. Centrum illud fere sola substantia ex cano flavescente expletum est, et tantum in lateribus adhuc depositiones strati medii conspiciuntur, quae tamen plerumque prope angulos interruptae sunt. Infimi denique fmis segmentum transversum in media parte foramen fere rotundum monstrat, quod tantummodo durum stratum corneum annuli instar circumdat. De trium substantiarum, in spina hystricis occurrentium, textura hucusque certum judicium ferri non potest. In strato externo obscuriore, quod consistentia cornea est, levia indicia cellularum, qualia supra descripsi, cognosci possunt; stra- tum medium molle et turgescens se praebet, humoribus facile penetratur et cum sambuci medulla optime comparatur. Praeterquam quod lineamenta extrema bullarum aeris frequentium in eo animadvertuntur, passim trajectum est striis tenuibus
    digitised image 1
    digitised image 2
    digitised image 3