De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker.

  • Broecker, Gustav.
Date:
1849
Catalogue details

Licence: Public Domain Mark

Credit: De textura et formatione spinarum et partium similium : dissertatio inauguralis quam consensu et auctoritate gratiosi medicorum ordinis in Universitate Litterarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Gustavus Broecker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    25/32
    Pilus solutione, cujus decima pars Kali est, per viginti quatuor horas imbutus omnino emollitur. Jam per longitudinem in media pili parte striam albidam et utrimque striam fuscam distinguimus, quas acus ope facile sejungere possumus. Stria albida microscopii auxilio explorata texturam substantiae medullaris favis simi- lem monstrat. Hominis pili. Pilus humanus, ut satis constat, in universum forma cylindracea est, et radice ampli- ficata ac cava intra folliculum in pulpa insidens versus finem liberum paulatim acuitur. Per ejus longitudinem duae distinguuntur substantiae, altera externa, magis pellucida et glabra, altera interna indolem granulosam prae se ferens, quae tamquam stria magis minusve lata in pili centro decurrit, et prout minor majorve pigmenti copia adest, lucidior vel obscurior apparet. — Hae substantiae corticalis et medul- laris nominatae sunt. ♦ Ad explorationem aptissimi sunt pili albi; in iis enim per longitudinem jam tenuiores, jam crassiores lineas decurrentes aperte videmus, quae quidem satis arcte congregatae fibris similes sunt. In radice hae striae luculentissimae sunt et radiorum instar discedunt, versus apicem autem animadverti nequeunt. Praeterea vero in superficie conspiciuntur transversae lineae tenues et undulatae externi strati epithelialis, quod hic quoque tegularum instar collocatum est, et adjecto acido sul- phurico, cujus jam supra mentionem fecimus, carptim dissolvitur. Substantia corticalis, ut Reichert ]) et Jaesche2) demonstraverunt, stratis con- centricis membranae magis minusve pellucentis et secundum pili axem longitudinalem tenuibus fissuris longitudinalibus ex parte interruptae constat. Hae fissurae longitudi- nales obscurae probabiliter maxima ex parte efficiunt, ut substantia corticalis fibrata appareat, utque, quod quidem viri docti, qui ante me in pilos humanos inquisiverunt, jam attulerunt, secundum longitudinem facile in frusta magis minusve fibrata findi possit. Forsitan etiam plicae quaedam secundum longitudinem decurrentes ad strias illas obscuras provocandas conferant. Frusta pilorum canorum capitis solutione, cujus dimidia pars Kali erat, per viginti quatuor horas a me imbuta formam priorem servaverant, sed ita emollita erant, ut tactu dilaberentur. In massa dilapsa microscopii auxilio conspiciebantur corpuscula magis minusve fusiformia, jam in alterutro latere, jam in fine latiore una vel duabus incisuris instructa, quae quidem aperte frustula membranae illius fenestratae et imbutione minutatim diffissae erant. Eadem fere, adbibito acido nitrico, inveniebantur. 1) 9ttuller’g 2frrf>t'u fur tfnafomie, ^ftologie :c. Safjrgnng 1841. p. 176. 2) F, m. Jaesche, Dissertatio de telis epithelialibus in genere et de vasorum sanguiferormn in specie. Dorpat- 1847. / 5 *