Licence: In copyright
Credit: The lesser writings of John Arderne / by D'Arcy Power. Source: Wellcome Collection.
Provider: This material has been provided by The University of Glasgow Library. The original may be consulted at The University of Glasgow Library.
21/30 page 125
![the yerd the manere of a werte & of the gretnesse of a strawberyc & of the same lyknesse the weche alwey gryw foorth & afterward withinne space of tyme it took the skyne withowten & alwey it was spredynge in-so-moche that it lette hyme to pysse, wherfore he submytted him to the curys of expertte leches, of the weche ther was oone that purposed him in the furste to have had awey the superfluite of the seyde sore and putte ther-to many corrosynes to freten it, and, as it was seyde une-to nit e, it was the pouder of alume de plume the weche schulde beste have wasted it. But not for that, after that halff yere was passed it begane to grow ayene in the manere aforseyd & more violentere. Thane sowghte he help and asked counsel of another leche & took his cure to have wasted awey the seyd matere, but it was alwey in the formere partye & avayled not and alwey it grywe bakward more & more ayenste the yerd tyll the knotte was altogydere inward & the skyne of the yerde was alwey turnyd toward the body as it dooth in cankre. Nevertheles after longe tyme the mayster (Surgeon) forsook the persone & wolde no more cure do to hyme. Then came therto the seyd persone another leche & dyde his cure to hyme & by the space of tyme he putte one the sore emplastres & poudrys. And one a tyme he putte ther-one a poudre & whane he schulde afterward remeve (redress) the yerd the pouder hadde fretene a veyne so deepe that the blood flowed out in so grete quantyte that he myghte unnethe restreyne it & not-withstandynge though it were re- streyned at that tyme yet yt fylle so to hyme after that out of the yerd ranne moche superfluous blood often & wolde not lyghtly cese. And whane the mayster all a yere hadde done his curys to the seyd persone he leffte hyme lyinge uppone his coowche & one a tyme he efly staal awey from hyme. And after tyme he was gone the blood uppone a day brak out of the yerd in moche quantyte. Thane was I required & came to hyme but er thane I came the blood was restreyned be it-selff thorough con- gelynge and he was not so hardy to meve hyme-selff ony-thynge lest that the blood brake out. And whane I hadde seyne his infirmite & spokene with hyme I assayd by a monthe hough the ministracione & werke of Sirurgerye wolde falle une-to hyme. And note that the yerd of him was of the lyknesse as it is afore foormyd (a sketch is given in the original) with gret duresse in the sore party & the uryne came out at v holes & otherwhyle moo & note in the ende of the yerde but behynde the knotte as it hadde be in the myddyll therof it wente out in every partye. To the wounde ther that the swellynge of blood was I putte a stryctorye made of the juse of walwort & arthemesye & of the juse of netle & ache & of Absinthium, of Alum, of the whyte of ane ey & of hony ana, & these schulbe temprycl with barlymele. And I made not this for a notable cure une-to hyme but for-as-moche as I hadde perceyved that this em- plastre restreyned wele blood in diverse places of the body that it schulde prevayle hyme also wele ynough as for staunchynge of blood. And to the superfluite of the formere parte of the yerd I putte this pouder Recipe, Aurypigmentum i.e. orpiment, Peper, qwyklyme, barly mele, hony that is callyd rawgh, & stronge vinegre ana. Medle alle these togydere & brenne hem in a nywe erthene potte tyll ther be made pouder therof. And whane this pouder hadde ii [twice] be putte therto, the ende of the yerd schewed a lityll, & after the iiide tyme the pouder was therto, the sore after-folowynge schewyd bettcre & spredde itselff abrode in manere of a coronall of a spere as mene justene with at a Turnement & therwith it hadde pappys lyke to the pappys of ane hoownd engrosed withinne- forth, the weche pappys with the other superfluities I destroyed with the](https://iiif.wellcomecollection.org/image/b21463724_0021.jp2/full/800%2C/0/default.jpg)
