Epitome therapieae generalis; in usum discipulorum / [G.C.B. Suringar].

  • Gerard Conrad Bernard Suringar
Date:
1834
Catalogue details

Licence: Public Domain Mark

Credit: Epitome therapieae generalis; in usum discipulorum / [G.C.B. Suringar]. Source: Wellcome Collection.

    12/180
    regionem aliquam aut urbem cognoscere cupientes, antequam in singulas vias ire incipiant, in locum aliquem excelsum se duci patiuntur, quo melius in omnia simul intueri pos¬ sint , et universam cognoscant rerum videndarum rationem, priusquam singula accuratius indagare incipiant. Adderem plura, nisi de commendando hoc studiorum genere prae¬ clare verba fecisset Vir Clarissimus Nicolaus Paradys, cum in Oratione de diligenti Therapeuticcs universalis studio, maxi¬ mo recte medendi instrummto, tum in Lectionibus publicis de vera Medicinae theoreticae ratione, ejusque finibus. Me non immerito laudasse scripta, quibus optime de Medicina meriti sunt Nicolaus Paradys et Jacobus Gregory, praeclara olim Academiae Lugduno-Batavae et Edinburgensis lumina, nemo negaverit, qui illius Opuscula Academica, anno 1813, L. B. a filio edita, hujus autem Conspectum Medicinae theoreticae, librum bonae frugis plenissimum, iterum iterumque legendo cognoverit. In utroque scriptore doctrinam longo usu subactam et ab omni partium studio alienam, praeclaram observandi industriam, miram in vi¬ denda morborum affinitate et in eruendis communibus medi¬ camentorum effectibus sagacitatem atque ingenii acumen, prudentem rationis usum, magnam in dicendo perspicuita¬ tem , verborum elegantiam , simplicis sensum et veri amo¬ rem adeo mirari oportet, ut optimi sint Medicinae cum discendae tum docendae magistri. Quam ob rem nemini mirum videbitur, me ipsa quandoque Clar. Gregory verba , quippe quae disertissima sint, in usus meos convertisse ; quod tamen non feci, quin ubique ipsius nomen memorarem.