Syphilis sive morbus Gallicus / Carmen ad optimarum editionum fidem edidit notis et prolegomenis ad historiam morbi Gallici facientibus instruxit Ludovicus Choulant.

  • Girolamo Fracastoro
Date:
1830
Catalogue details

Licence: Public Domain Mark

Credit: Syphilis sive morbus Gallicus / Carmen ad optimarum editionum fidem edidit notis et prolegomenis ad historiam morbi Gallici facientibus instruxit Ludovicus Choulant. Source: Wellcome Collection.

    50/88 (page 38)
    Ín primis ego non omni te assuescere coelo Exhorter: fuge perpetuo quod flatur ab austro, Quod coeno immundaeque grave est sudore paludis. Protenti potius campi mihi liber et agri 85 Tractus et apricis placeant in collibus aurae Et molles zephyri pulsusque aquilonibus aér. Hic (iubeo) tibi nulla quies nulla otia sunto. Rumpe moras, agita assiduis venatibus apros Impiger, assiduis agita venatibus ursos. 90 Nec tibi sit labor aérii cursu ardua montis Vincenti rapidum in valles deflectere cervum, Et longa lustrare altos indagine saltus. Vidi ego saepe malum qui iam sudoribus omne Finisset silvisque luém liquisset in altis. 95 Sed nec turpe puta dextram summittere araíro Et longum trahere incurvo sub vomere sulcum, Neve bidente solum et duras proscindere glebas Et valida aériam quercum exturbare bipenni, Atque imis altam eruere ab radicibus ornum. 100 Quin etiam, exercere domi quo te quoque possis, Parvam mane pilam versa mihi vespere versa, Et saltu et dura potes exsudare palaestra. Vince malum: nec te fallat, quod desidis otii Assidue desiderium lectique sequetur, 105 Tu lecto ne crede, gravi ne crede sopori: His alitur vitium et placidae sub imagine pacis Decipit e dulcique trahit fomenta quiete. Nec non interea effugito quae tristia mentem Sollicitant, procul esse iube curasque metumque 110 Pallentem ultricesque iras omnemque Minervae