Syphilis sive morbus Gallicus / Carmen ad optimarum editionum fidem edidit notis et prolegomenis ad historiam morbi Gallici facientibus instruxit Ludovicus Choulant.

  • Girolamo Fracastoro
Date:
1830
Catalogue details

Licence: Public Domain Mark

Credit: Syphilis sive morbus Gallicus / Carmen ad optimarum editionum fidem edidit notis et prolegomenis ad historiam morbi Gallici facientibus instruxit Ludovicus Choulant. Source: Wellcome Collection.

    71/88 (page 59)
    Laetitia ludisque dies per pocula ducunt. Forte loco lux festa aderat, Solique parabant Ultori facere umbroso sacra annua luco, Hesperiaeque Ophyraeque manus convenerat omnis. h23 [JU [21] Hic convalle cava ripae viridantis in herba Selectorum ingens numerus, matresque virique Confusi plebs atque patres puerique senesque Astabant, animis tristes et corpora foedi Squallentes crustis omnes taboque fluentes, 240 Quos circumfusos albenti in veste sacerdos Pura lustrat aqua et ramo frondentis Hyaci. Tum niveum ante aras caedit de more iuvencum Et iuxta positum pastorem sanguine caesi HRespergit pateraque rigat, Solique potenti 245 Ad numeros Paeana canit, nec cetera turba Non sequitur, mactantque sues mactantque bidentes Visceribusque veru tostis epulantur in herba. Obstupuit gens Europae ritusque sacrorum Contagemque alio non usquam tempore visam. 250 At dux multa animo tacitus secum ipse volutans, Hic erat ille, inquit, morbus (Dii avertite casum !) Ignotum interpres Phoebi quem dira canebat. 'lTum regem indigenam (ut sermo fandique facultas Iam communis erat) cui sint solennia Divüm 256 Scitatur, quid tanta astet convalle sub alta Languentum miseranda manus, quid pastor ad aras Sacra inter caesi respersus sanguine íauri. Quem contra: Hesperiae o heros fortissime pubis, Rex ait, hi gentis ritus haec sacra quotannis 260 Ultori de more Deo celebramus, origo