Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt.

Eylandt, Emil.

Date:: 1850

Credit: Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

Cover
Cover

10/42 page 10

Hae omnes telae per acidi nitrici actionem in ipsas celerrime vim suam elasticam omnino' perdunt, earumque cohaerentia tantopere minuitur, ut membranae magis minusve facile in lamellas oblongas, magis minusve irregulares findi vel praeparari possint. Membranis epithelialibus ejusmodi acuum auxilio diruptis , sub microscopio parvae lamel- lae observationi se offerunt, in quas particulas sive frustula membranae illae epitheliales adhibita vi mechanica dilabuntur. Haec frustula membranosa praevalente longitudine jam angustiora, jam latiora et plerumque finibus haud regularibus circumscripta sunt, quum in marginibus jam anguli promineant, jam fissurae appareant magis minusve profunde intrantes et parvas lamellas in formam furcae dividentes, jam laciniae in conspectum veniant. Hae laciniae modo breviores et latiores, modo longiores et angustiores, insigniuntur decursu rigido rectoque et plerumque finibus latis, non acute exeuntibus, qui interdum etiam in formam furcae fissi sunt. Frustula membranosa praeterea varium adspectum praebent; sunt enim semper vitri instar lucida, vel colore ex albo subflavo paululum tincta. Nonnulla apparent homogenea nec striata, alia contra per totum ambitum vel ex parte striata. Striae interdum adeo ad certam regulam decurrunt. Secundum striarum tractus frustula facile findi possunt, quod quidem apertissime cognoscitur in frustulis, quae in margine fissuris secundum striarum directionem ortis praedita sunt: — leni enim pressu in lamel- lam vitream , qua objecta in disquisitione microscopica teguntur, exhibito efficere possumus, ut fissio secundum directionem modo dictam progrediatur. Membranae fenestratae et ipsae eo insignes sunt, quod facile finduntur. Futura fissionis directio in his membranis jam indicata est parvulis fissuris sive aperturis. Saepe membranas ejusmodi jam maxima ex parte in retia fibrosa fissas, singulasque fibras interdum ex parte vel omnino solutas videmus. Hae fibrae longae sunt et an- gustae, tenues, vitri instar lucidae, homogeneae, lineamentis simplicibus finitae; interdum instructae sunt ramulis lateralibus ejusdem speciei et finibus in furcae formam fissis, quibus ipsarum origo e membranis fenestratis cognosci potest. Interdum fibrae ex parte vel omnino solutae arcus magis minusve regulares efficiunt atque in finibus in formam pedi curvatae sunt, — qui quidem habitus in omnibus fibris telae elasticis fibris compositae (v. c. ligamenti nuchae) invenitur, — ergo trans- itum membranarum fenestratarum in elastica retia fibrosa indicant. Adhuc commemorandum est, modo descriptum habitum lamellarum membranarum epithe- lialium sub microscopio etiam post longius temporis spatium, ut Paulsen affirmat, adeo exactis pluribus mensibus, in re summa non mutatum reperiri, etiamsi membranae illo tempore jam lenis- sima vi mechanica in parva frustula dissolvuntur. Mutationes, quas tela elastica ligamenti nuchae subit eo constant, quod majorem adipiscitur mollitiem, specie microscopica fibrarum elasticarum eadem manente. Hae fibrae ligamenti nuchae jam circiter quinto die in pultem homogeneam, pulveri similem dissolvuntur, in qua massa sub microscopio prorsus nullum fibrarum vestigium cognosci potest. 3) Mutationes telae muscularis organicae. Musculos explorandos e tractu intestinali, vesica urinaria et utero gravido hominis et non- nullorum mammalium (felis, canis, bovis, caviae cobayae, cuniculi, ovis, caprae, suis) desumpsi. Frusta musculorum hujus generis per viginti quatuor horas acido nitrico imbuta molliora fiunt fir- mitatemque suam ex parte amittunt, ita ut acuum auxilio secundum striarum directionem in fibras tenues facile distrahi possint. Quae fibrae si ope microscopii disquiruntur, portiones musculares

Licence and re-use

Contents