De conditura corporum mortuorum : Dissertatio inauguralis / [Hermann Eduard Fritze].

  • Fritze, Hermann Eduard, 1811-1866.
Date:
1835
Catalogue details

Licence: Public Domain Mark

Credit: De conditura corporum mortuorum : Dissertatio inauguralis / [Hermann Eduard Fritze]. Source: Wellcome Collection.

    14/68 (page 14)
    Primo cerebri partem ferro adunco e naribus extrahunt, partem materiarum arti¬ ficiosarum infusione deferunt; postea lapide Aethiopico acuto (l) inguinem inci¬ dunt atque illico totum cavum abdominis exentrant, cui expurgato phoeniceo vino contusa aromata inspergunt. Tum ventrem pura trita myrrha, cassia et aliis odo¬ ramentis [excepto olibano (2)] implent eumque sutura recludunt. Quo facto natro imponunt idque septuaginta dies asservant, diutius condire non licet. Septuaginta diebus exactis, mortuum abluunt et totum corpus fasciis lintei byssini involvunt interlito gummi, quo Aegyptii glutinis loco utuntur. Tum propinqui eum re¬ cipiunt, ligneum hominis simulacrum parandum curant, in quo perfecto cadaver claudunt et ita inclusum ad murum in sepulcro erectum ponentes asservaut. Sic sumptuosissimum pollincturae modum efficiunt. Qui autem mediocrem eligunt modum pretiosum fugientes, mortuos ut sequitur, praeparant: Clysma oleo, quod Cedri praebent, sine ulla incisione aut ventriculi exentratione mortuo supponunt. Clysmate per anum infarcto, eoque, ne rursus petat, impedito, per certos dies condiunt et ultimo Cedrorum oleum prius immissum emittunt, cui tum tanta vis est, ut ventriculum una cum intestinis dissolutis eluat, dum caro ab natro dece¬ dit, ita ut mortuo nihil restet, nisi ossa et corium. Quo facto mortuum reddunt sine ullo praeterea negotio. Tertius balsamanui modus, quo egenos condiunt, hic est. In abdominis cavum succum purgatorium (3) (ov-^uaia) infundunt, septua¬ ginta dies condiunt et tunc ad deportandum corpus reddunt. Insignium attamen virorum mulieres non statim pollingendas tradunt, neque foeminas formosas et majoris momenti, sed semper tres sive quatuor dies reponunt, tum demum tari- cheutibus committunt. Quod hanc ob causam faciunt, ne pollinctores foeminis con¬ cumbant: evenit nempe, ut quidam recens foeminae funus stupro affecerit, quod artificii socius detulitu. Quibus dictis Diodori Siculi (1) verba sunt comparanda, qui haec addens tali modo disserit: j>Tres sunt conditurae modi, pretiosissimus, mediocris et vilis. Primus talento argenti constare dicitur (circa 1375 thal. pruss.), alter viginti minis (circa 313 thal. 16 gross. pruss.), ultimus vero levissima summa. Ii, quibus mor- (1) Beroliui iu museo Aegyptiaco, quod est in regis horiis ,,Monhijou'‘< vocatis multi hujus¬ cemodi lapides et ferrum aduncum supra nominatum spectantibus monstrantur. (2) Reverentiae causa erga Deos, quibus olibano sacra faciebantur. (3) SojQ.uafa proprie plantam significat, et deinde succum purgatorium ex ea ductum, quem ad finem Aegyptii raphani quibusdam speciehus (cnj^uaiij) utebantur. (4) Diodor, Sicul, biblioth. liistor. lib. I. cap. 91.