Vita ... Gottlieb Christophori Harless ... descripta a filio natu maximo. [Index scriptorum omnium] / [Johann Christian Friedrich Harless].

  • Harless, Christian Friedrich, 1773-1853.
Date:
1817
Catalogue details

Licence: Public Domain Mark

Credit: Vita ... Gottlieb Christophori Harless ... descripta a filio natu maximo. [Index scriptorum omnium] / [Johann Christian Friedrich Harless]. Source: Wellcome Collection.

    12/32 (page 12)
    dem tempore ei aliud, neque minus gratum, Professoris nimirum Philosophiae Er- langensis extra ordinem, cum annuo aliquo stipendio, collata est; quam provinciam etiam solemni habita oratione (de iucunditate atque utilitate, quas litterae profanae studio philologiae sacro adferanl) et scripto programmate d. 3. Maii 1766 adiit» Vi* tamen per mensem unum alterumve hoc munere functus est, quippe ipso, quo ora¬ tionem in aditum habuerat, mense a Duce Saxonum Coburgensi ad suscipienda offi¬ cia Professoris P. Ordinarii linguae graecae et orientalium in Gymnasio academ. Casimiriano, quod Coburgi floret, vocatus, et hanc vocationem, quamvis a Principe Baruthino eiusque Administris ad retinendum munus in Academia patria sub proxime vacaturae ordinariae professionis largiorisque stipendii sponsione invitatus, fidei iam datae servandae causa, medio Julio a. 1^65 sequutus est. Ipso, quo Erlangam relinque¬ ret, tempore foedus conjugale primum paravit pauloque post inivit eum filia natu majore celeberrimi quondam Jurium Professoris nostratis et Consil. aul. intimi Schier- sclimid, quam tamen uxorem optimam et ab ipso peramatam fata praematura nimis cito ei (a. 1768.) eripuere. Coburgi a Casimiriani Directore sui amicissimo, Frojhmanno, reliquisque Colle¬ gis optime receptus et candida nec interrupta amicitia adjutus non solum, sed etiam specialiori Ducis tum regnantis Principisque Haereditarii gratia et favore Jornatus auc¬ tusque, ibi iriprimis bene iucundeque se habuit b. pater, gratissimam semper tem¬ poris illius memoriam recolens. Saepiusque eum tempus illud laudantem memini, felicissimum, quo Coburgi sub principis humanissimi, frequentissime eum ad Se in¬ vitantis , auspiciis, et in collegarum amicorumque societate conjunctissima, omnibus acceptus, nemini adversus invidiaeque expers vixerit. Inprimis ad vitae huius amoe¬ nitatem multum fecisse favorem insignem et vere amicum, quo ipsum tum L. B. de Thiimmel, poetarum amabilis Nestor et patriae decus*), tum ipsi conjunctissimus peder, veteranus ille inter philosophos longe dignissimus, amplexi sunt, sicut Audi- chii, Fischeri, aliorumque amicitiam, gratus semper professus est. Turbavit so¬ lummodo animi serenitatem mors dilectissimae uxoris, filiam enixae adhuc superstitem* sororem mihi carissimam, et ipsam jam (inde ex anno 1789) dignissimo Decano et Consistorii a consiliis olimThurnaviensi, nunc Casendoriiensi, adfini suavissimo, P. Chr. Georg nuptam, plurium liberorum nunc matrem aviamque. Ex muneris non solum ratione (eloquentiae enim professionem mox loco linguar. orientalium eius susceperat), dum Coburgi esset, multitudinem Programmatum scrip¬ sit , in quorum pluribus ad acuendum pulchri et venusti in studiis philologicis sen¬ sum, ad excitandam elegantiorem et aestheticam magis nec verborum censurae solum inhaerentem auctorum vett. interpretationem, et ad emendandam eruditionis privatae *) Obiit nuperrime (m. Octobris h. a.), uti nunc lego, venerandus hic senex sum- meque amabilis poeta, nobis posterisque nunquam interituram carminum dul¬ cedinem gratiamque relinquens. - - -