Volume 2

Historia rerum anglicarum Willelmi Parvi : ordinis Sancti Augustini canonici regularis in cœnobio Beatæ Mariæ de Newburgh / Ad fidem codicum manuscriptorum recensuit Hans Claude Hamilton.

  • William of Newburgh
Date:
1856
Catalogue details

Licence: Public Domain Mark

Credit: Historia rerum anglicarum Willelmi Parvi : ordinis Sancti Augustini canonici regularis in cœnobio Beatæ Mariæ de Newburgh / Ad fidem codicum manuscriptorum recensuit Hans Claude Hamilton. Source: Wellcome Collection.

    46/236 (page 34)
    A.D. 1190. 34 HISTORIA ANGLICANA. [LIB. IV. Hoc forte imperator ille noster cum suis exemplum attendens, pro negato transitu Graeci imperatoris terram invasit, cum aliud potius, ut credo, atten- dere debuisset. Scriptum quippe est: “ 1 Misit nuncios Moyses ad regem Edom, qui dicerent: Haec mandat frater tuus Israel. Obsecramus ut nobis transire liceat per terram tuam. Non ibimus per agros, nec per vineas, sed gradiemur via pub- lica, nec ad dexteram nec ad sinistram declinantes, donec transeamus terminos tuos. Cui respondit Edom: Non transibitis per me. Dixeruntque filii Israel: Per tritam gradiemur viam ; et si bi- berimus aquas tuas, dabimus quod justum est: nulla erit in pretio difficultas, tantum velociter transeamus. At ille respondit. Non transibitis. Quamobrem divertit ab eo Israel.” Ecce filii Is- rael, sub magno propheta Moyse agentes, a fratribus suis filiis Esau in simplicis transitus modestissima petitione repulsam bis passi, nec tamen tanto ex- cessu fraterno ad ultionem vel transitum ferro pa- randum impulsi, sapienter, et tanquam immemores injuriae, ab ingratis fratribus diverterunt. Postea vero ab Amorraeo, qui non erat de genere Abrahae, in re non dissimili unam passi tantum repulsam, in ultionem justissimam, jubente et favente Domino, exarserunt. Consultius igitur imperator Christi- anus fecisset, si ab inofficioso sed tamen Christi- ano imperatore divertens, alium in Syriam tran- situm,licet cum multa laboris et sumptuum jactura, quaesisset; quod utique sequens declaraviteventus. Videns autem Graecus imperator 2non parum con- tra se actum a Latinis, et ex hoc tanquam modico 1 Misit.] Numbers xx. 14— 2 Noji parum.] omitted R. C. H. L.; 21.