Regnum animale ... cujus pars septima de anima agit / Eman. Swedenborgii, Sacrae Regiae Majestatis Regnique suecie Collegii Metallici Assessoris ... E chirographo ejus in Bibliotheca Regiae Academiae Holmiensis asservato, nunc primum edidit Dr. Jo. Fr. Im. Tafel.

  • Emmanuel Swedenborg
Date:
1849
Catalogue details

Licence: Public Domain Mark

Credit: Regnum animale ... cujus pars septima de anima agit / Eman. Swedenborgii, Sacrae Regiae Majestatis Regnique suecie Collegii Metallici Assessoris ... E chirographo ejus in Bibliotheca Regiae Academiae Holmiensis asservato, nunc primum edidit Dr. Jo. Fr. Im. Tafel. Source: Wellcome Collection.

    42/298 page 32
    res cavernulae et hiatus spongiosi et labyrinthei, qui omnes curn naribus communicant, et communi membrana et periosteo sunt obtecti, per hanc membranam inira exiguum spatium us¬ que spatiosissimum repunt myriades vasculorum, et consita sunt corpuscula glandulosa et rotunda, ingenti copia; sunt cava sex sinuum et cellulae quatuor ossium spongiosorum, quae mutuo inter se communicant, et similibus organis seu glandulis orna¬ tae et refertae; omne hoc expansum suam originem a nervis olfactoriis trahit; nervi olfactorii, alias processus mamillares vocati anteriori parti cerebri affixi circa cristam ethmoideain attenuantur, et per laminam quandam plurimis foraminibus per¬ tusam, quae cribriformis vel cribrosa vocatur, transmittuntur, has fibras etiam foras comitatur ntraque meninx, tam pia quam dura, una cum aliquibus vasculis arteriosis et venosis. Ex de¬ scriptione expansionis et connexionis hujus organi patescit, quod sensum adhuc subtiliorem seu partium simpliciorum quam gu¬ stus capiat; nam quae in aere fluitant, leviores et volatiliores sunt illis quae in aquis et liquidis, quae gustum afficiunt; ut enim gustus dignoscat figurationem partium, necessum est ut composita solvantur, sed ut olfactus appercipiat, non opus est ut solvantur, sed effluvia, a corporibus tam regni animalis, quam vegetabilis, ut et mineralis exhalata, sentiuntur; pro¬ inde, capiuntur illa, quae non fixe insident corporibus, sed quae sponte ab iis separantur, et deinceps in aere circumvolitant: effluvia regni animalis tam copiosa sunt, ut canes etiam herum, homines, animalia diversi generis solo olfactu indagent et in¬ vestigent: effluvia vero regni vegetabilis adhuc copiosiora et sensibiliora sunt, ut aromatica ex hortis et pratis: ex regno minerali sunt plura inodora, sed multa quoque datur copia, quae liquido sensum excitat. Proinde olfactus videtur dignos¬ cere partes simpliciores quam gustus; sed tamen sunt formae angulatae, in se graves, inertes, durae, figuratae, vere corpo¬ reae et materiales. XLIV. Quod sensus tactus, gustus et olfactus percipiat modo formas partium externas, non vero inter¬ nas, sic uti sensus auditus et v>isus.
    digitised image 1
    digitised image 2
    digitised image 3