De Maximiliani Stoll et Joannis Petri Frank vita praecipuisque meritis in praesentem medicinae statum / [Franz Wilhelm Lippich].

  • Franz Wilhelm Lippich
Date:
1845
Catalogue details

Licence: Public Domain Mark

Credit: De Maximiliani Stoll et Joannis Petri Frank vita praecipuisque meritis in praesentem medicinae statum / [Franz Wilhelm Lippich]. Source: Wellcome Collection.

    14/18 page 12
    cubilia museo anatomico-pathologico destinata fuere. Id ab imis fundamentis et hic, ut in Italia, erexit, opera adjutus Rudo Iphi V et ter, primi prosectoris, atque mox ad tantum provexit gradum, ut brevi illud primum in Europa fore praedixerit: spe, uti videmus, non frustratus. Posuit etiam initia bibliothecae clinicae, quae non pri¬ dem vindicavimus, opitulante propitio numine novis accessionibus augenda. Minus ei successit ex sententia , nosocomium quoque istud academicis studiis totum sacrare, et sumtus medicinales castigare. Praestitit tamen quae potuit, ad squa¬ lidam illam turrim, qua vesani apud nos includuntur, minus horridam reddendam. Mu¬ ris nimirum ac horto eam cinxit, et cloacarum foetorein, quoad licuit, correxit. Laborum consilii supremi studiorum particeps, rationem studii medici melius docendi, atque scholae veterinariae instituendae descripsit. Ad variolas humanas insito vaccarum morbo simili praecavendas, tentamina prima in brephotropheo fecit. Uno verbo: non erat medicinae ramus , quem versatili suo et vasto ingenio non ad uberio¬ rem florem atque fructum compulisset. Qui viri hujus meritis plaudebant, majora adhuc istis futura sperabant, et alterum a Swietenio studiorum restauratorempromittebant. Sed ferebant aliter fata. Calumnia¬ rum quippe pertaesus, 1804 in Russiam migravit, et in academia vilnensi, una cum filio Josepho, munus docendi adiit. Anno post, qua archiater caesaris Russiae et academiae medico-ehirurgicae, quae Petropoli est, director, ad hanc urbem arcessitus est. Docuit hic etiam praxin medicam, usque ad annum 1808, quo salutis gratia Mos- coviam, et sequenti anno Friburgum in Brisgovia, cathedris valedicens, profectus est. Viennam anno 1809 pertransiens, a Napoleone, ibidem commorante, Parisios invitatus est. Vocationi non paruit. Mox Viennae sedem figens ultimam, totus literis et salvandis consilio aegris vixit, Napoleonis filii, ducis a Reichstadt, archiater declaratus. Septuagenario majori augustissima ducis mater pectus ordine S. Constan¬ tini decoravit. Fatis cessit die 24. Aprilis 1821, ex apoplexia, arthritidem consecuta, 76 annum agens. Assidebat per mensem aegrotanti electa quondam ejus discipulorum manus, quo¬ rum nonnullos hic praesentes veneramur. Tu, magnifice Praeses, tuque ingeniosissime Malfatti, ex eorum fuistis numero. Recordor luctus vestri, et numerosi medicorum co¬ mitatus, cum funus tanti viri, senes juvenesque, magistri et tirones, sequebamur. Sem- per et ego recordabor, me quoque ex eorum fuisse numero, qui feretrum ejus humeris portarunt, et terrae, quae illi levis sit, glebam, demerso in sepulchruni immiserunt, in sepulchrum, quo — — — ubi decidimus, Pulvis et umbra sumus. Oh, cur ad parentalia magnis nostris viris persolvenda tam desides sumus! Sic ego, neminem ad orationem funebrem se accingere advertens, tacite memet ipsum tum interrogavi. Quintum abhinc labitur lustrum : quaestio mea in eodem statu est. Non
    digitised image 1
    digitised image 2
    digitised image 3