Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz.

  • Schwartz, Valentin.
Date:
1850
Catalogue details

Licence: Public Domain Mark

Credit: Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/34 (page 11)
    «ex duobus factus membranis, quarum interna longius procurrit, externa brevius «terminatur. Inter eas duas membranas aliquid est cellulosi, quod possit cum corpore «cavernoso comparari. Interna membrana mollis est, pulposa et tota lineata, lineis «tubae longitudinem sequentibus, quae pro musculis aliqui habent.« Hasce uteri prolongationes, cl. Krause ]), inquit, canales esse tortuosos longitudine 3!/4—4, inter laminas ligamenti uteri lati directione transversa pelveos decurrentes, communicationem inter ovaria uterique cavum efficiant. Parietes tubarum velamento peritonaeali, tunc membrana exteriore, densa, forti, valde vasculosa, fibrillis cellulosis, muscularibusque laevibus non transverse striatis (latitudine Vi75—1/25///) contexta, denique membrana mucosa formari. Cl. Huschke2) structuram tubarum compositam esse ait; externa enim lamina peritonaeali, tunc membrana musculari, quae in parte sua exteriore fibras longitudinales, in parte interiore contra fibras circulares musculares laeves, sine striis transversis, (latitudine V175—1/25/')> denique membrana mucosa ad directionem longitudinalem complicata, epithelio cylindraceo obtecta, eas conformari censet. De substantia ligamentorum uteri rotundorum etiam sententiae variae profe- rendae sunt. Et quidem Haller3) haec de eorum natura nobis tradidit: «Natura «ligamenti rotundi cellulosa est, tamen ut ejus cellulositatis fibrae longitudinem «sequantur. Eas fibras multi auctores pro musculosis habuerunt, quae per summum «uterum arcum facerent cum comparibus et uterum in penis occursum detraherent, «aut a partu in contractione adjuvarent, quod mihi falsum esse videtur.« Cl. Krause4 5) ligamenta uteri rotunda restes rubras esse contendit, contextas ex fibrillis muscularibus uteri, quae, ex pariete anteriore uteri ortae, sensimque tenuiores factae, majore telae cellulosae copia inter se recepta, in partem pelveos anteriorem et inferiorem decurrunt. Cl. Huschke3) ligamenta uteri rotunda, peritonaeo obducta, fasciculos musculares longitudinales habere censet, qui uterum cum musculis externis abdominis conjungant, vasaque et nervos involvant. Ouos fasciculos musculares ad uterum versus majore crassitudine esse et praecipue in graviditate fortiores evadere, sic ut ligamentum dimidium fere exaequet digitum. Variae de structura vaginae opiniones graviores hae sunt; scripsit Haller6) 1) Krause 1. c. p. 695. 2) Huschke 1. c. p. 471. 3) Haller I. c. p. 118. 4) Krause 1. c. p. 697. 5) Huschke I. c. p. 482. 6) Hal 1 er 1. c. p. 73.