Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz.

  • Schwartz, Valentin.
Date:
1850
Catalogue details

Licence: Public Domain Mark

Credit: Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    13/34 (page 13)
    CAPUT II. Observationes microscopicae de dispositione et decursu stratorum muscularium uteri et vaginae. Argumentum ex quo affatim eluceat, fibras musculares telis uteri et vaginae parietes componentibus reapse inesse, sine remediis artificialibus difficilius dedu- cendum est, quod fibrae musculares laeves horum organorum, tela conjunctiva striata* quae praesertim collo permulta adest, involvuntur. Multo facilius fibrae muscularem organicae aliis in organis cognosci possunt, sic in membrana musculosa canalis intestinalis, quod hoc in loco strata multo arctius cohaerentia formant. Ratio comperta, a doctore Paulsen ]) commendata, acido nitrico tractandi fibras musculares ad certiorem earum cognitionem, hoc in casu quoque probata est; forma quidem propria tortuosa, quam fibrae musculares organicae diuturno acidi nitriei effectui expositae accipere solent, in fibris muscularibus hominis uteri haud apparuit, sed colore magnopere flavo tingebantur, quo clariores conspiciebantur, quam si segmentum substantiae uterinae sola aqua humefactum erat. Si segmenta uteri vel vaginae per longius temporis spatium viribus acidi nitriei exposita erant, fasciculi musculares dilabi, singulaeque fibrae musculares laeves evidentius apparere solebant, propterea quod tela, quae singulas fibras musculares in fasciculos jungit, conjunctiva acido nitrico in substantiam nullam certam formam praebentem mutatur. Singulis fibris muscularibus, ut nuclei earum apparerent, acidum aceticum exhibebatur. Consideraturis nobis in proximis pagellis varias superficies, quas in fasci- culis fibrarum muscularium cultro effecimus, nonnulla de universali eorum in segmentis habitu praemittenda videntur, nulla quod ad singulorum fasciculorum decursum attinet habita ratione. Si culter fasciculum muscularem secundum axin fibrarum longitudinalem tra- jecit, musculus sub microscopio liniis tenuioribus, margines singularum fibrarum muscularium significantibus, ad longitudinem regulariter striatus videtur. Si contra 1) Fr. Paulsen: Diss. inauguratis: Observationes micro-cheuiicae circa nonnullas animalium telas. Dorpati Livonorum 1848. 2