Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz.

  • Schwartz, Valentin.
Date:
1850
Catalogue details

Licence: Public Domain Mark

Credit: Observationes microscopicae de decursu musculorum uteri et vaginae hominis : dissertation inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Valentinus Schwartz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    16/34 (page 16)
    longitudinali parallelas, medio in pariete anteriore et posteriore; sectiones trans- versales axi uteri transversali parallelas per totum medium parietem anteriorem et posteriorem; quia autem quodque gravius discrimen inter partes laterales et medias segmentorum transversalium deerat, sectiones verticales, quae partes uteri laterales trajicerent, superfluae videbantur; ubi ex sectionibus longitudinalibus et transversis, fasciculos musculares parietes uteri oblique trajicientes adesse, patebat, sectiones quoque instituebantur obliquae, quae decursum eorum accuratius determinarent. 1. De utero humano virgineo. Nonnullas observationes de utero humano non evoluto praemittere constitui, quae si satis perscrutatus non sum, hujusce vitii causam in numero eorum perparvo, quos in usum meorum disquisitionum obtinere potui, ponendam esse, benevoli lectores dijudicent. Primum uterus infantis recentis a partu disquirebatur, qui, figuram piriformem uteri evoluti nondum assequutus, speciem cylindri ab anterioribus ad posteriora versus compressi praebebat, et discrimen inter corpus et collum in superficie externa paulisper tantum exhibentis. Longitudo digitum dimidium, latitudo ubi maxima erat quadrantem exaequabat. Uterus hic, per longioris temporis spatium in spiritu vini servatus, tum in tabula affixus aereque exsiccatus, diminutam offe- rebat magnitudinem ac parietes adeo pellucidos, ut cavum duobus cum sinibus in «tubas exeuntibus cognosci posset. Ouo utero sectione verticali in duas partes aequales fisso, a superficie hoc modo effecta cultro tonsorio segmenta praescinde- bantur tenuissima, quae per aliquod tempus acido nitrico tractata, microscopio subjiciebantur. Imaginibus microscopicis plurium segmentorum ex superficie uteri dissecti sumptorum in unam figuram compositis, simulacrum segmenti, medium parietem anteriorem posterioremque uteri ad axem ejusdem longitudinalem trajicientis, effe- * cimus, quale in figura ]) prima tabulae adjectae delineatum est (fig. 1.)» Ex imagine hujusce superficiei parietes uteri duobus ex partibus compositos esse, cognoscimus; altera interior membrana est mucosa, altera exterior musculis componitur. Stratum membranae mucosae pellucidum, flavescens, striis longioribus et brevioribus interdum ramosis, vasa eorumque segmenta significantibus, inter- ruptum videtur; stratum musculare contra, exteriora occupans, natura propria 1) A dno tat io: Figurae tal>ulae adjectae lithographicae imagines microscopicas segmentorum non accuratius reddunt, (<juod fieri si debuit, spatio mullo majore oportuit), sed scliematice delineatae sunt, ita ut linea una multas lineas, punctum unum multa puncta significant; inprimis operam dedi, ut dispositionem ■variorum stratorum justamque eorum crassitudinis rationem accuratius redderem.