Disquisitiones de structura et textura canalium aëriferorum : dissertatio inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Ernestus Schultz.

  • Schultz, Ernestus.
Date:
1850
Catalogue details

Licence: Public Domain Mark

Credit: Disquisitiones de structura et textura canalium aëriferorum : dissertatio inauguralis quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Ernestus Schultz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    18/42 page 14
    fere longae atque nucleo ex oblongo rotundo 5^' longo et cilio circiter longo instructae erant. Saepe etiam haec stria ceteroquin lineam rectam sequens pas- sim sinus format, qui cum parte vicina tunicae mucosae in portiones profundiores de- scendunt. Hi sinus sunt segmenta transversa cryptarum mucosarum satis notarum, quae etiam in ulteriore decursu strati epithelialis canalium aeriferorum reperiuntur i). Cellu- lae eas intus vestientes non sunt praeditae aperta forma cylindracea. Ut tamen certo tibi persuadeas, rem vere ita se habere, hoc intimum telae stratum in trachea anima- lium recens mactatorum investigandum est. In praeparatis ejusmodi non solum notae cellulae epithelii cylindracei cum nucleis suis cognoscuntur, sed etiam conspicitur, has cellulas ciliis instructas esse, quorum motus vibratorius quoque saepe adhuc animadver- titur. Non est, quod pluribus verbis explicem, cur haec cilia in praeparatorum sicca- torum strato epitheliali conspici, vel saltem dignosci nequeant. — Hoc epithelium vibra- torium impositum est reliquae parti tunicae mucosae, substrato tunicae mucosae, in quo exteriora versus haec strata dignosci possunt. Maxime insigne est stratum medium latissimum (e), ex quo incipiens in descriptione pergam. Hoc stratum in substantia sua fundamentali homogenea, vitri instar lucida, inspersa continet plura corpuscula parva ex oblongo rotunda vel subrotunda, varia ratione in acervos disposita, quae omnia nu- cleo parvo, plerumque in media ipsorum parte sito, magis minusve perspicuo, instructa sunt. Juxta utrumque hujus strati marginem haec corpuscula angustiora et plerumque etiam longiora apparent, quam reliqua, et satis arcte coacervata in substantia funda- mentali lucidiore omnia ita disposita sunt, ut ipsorum axis longitudinalis hujus strati dia- metro longitudinali parallelus sit. Etiam magis exteriora versus substantia fundamentalis striis longitudinalibus parum luculenter expressis distincta apparet corpusculaque magis magisque evanescunt et cum substantia fundamentali confunduntur, atque ita hoc stra- tum paulatim in strata ipsi utrimque finitima transit. Hac re satis luculenter insignitur segmentum substantiae cartilagineae, quae ad annulos cartilagineos nobis jam notos per- tinet et in marginibus suis per substantiam libroso-cartilagineam in strata finitima transit. Quod ad singulorum corpusculorum cartilagineorum dispositionem attinet, adhuc com- memorandum est, ea proxime a substantia fibroso-cartilaginea juxta utrumque marginem magis acervatim arctiusque composita, et quidem terna quaternaque congregata esse, eoque magis subrotunda, quin etiam angulata apparere, versus mediam autem strati par- 1) luterdum bae cryptae mucosae morbose amplificatae, ita ut paene l' latae sint, et si- mibus secundariis instructae reperiuntur. In boc casu illae saepe usque in regionem plexuum vasorum postea describendorum porriguntur. Iu praeparatis per longum tempus in spiritu vini asservatis aperturae baruin cryptarum mucosarum nudis oculis optime cerni poterant, atque im- primis numerosae iu parietis anterioris interstitiis non cartilagineis et in pariete posteriore ani- madvertebantur.
    digitised image 1
    digitised image 2
    digitised image 3