De insufficienta valvulae tricuspidalis et casu hujus generis singulari : dissertatio inauguralis medica ... / auctor Paulus Guttmann ; opponentibus Preybisz, Sorauer, Jottkowitz.

  • Paul Guttmann
Date:
[1858]
Catalogue details

Licence: Public Domain Mark

Credit: De insufficienta valvulae tricuspidalis et casu hujus generis singulari : dissertatio inauguralis medica ... / auctor Paulus Guttmann ; opponentibus Preybisz, Sorauer, Jottkowitz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/24 page 11
    vitio habere quam deficere potest; quin etiam opinor, secundum leges circulationis sanguinis hypertrophiam et dilatationem ventriculi dextri vix exacte declarari posse, si locum habeat. Etenim sanguis in hoc morbo non subsistit in ventriculo dextro, numquam enim est major sanguinis quantitas quam statu normali, e contrario quantitatem sanguinis diminu- tam esse puto, quum continuo sanguinis aliqua pars in venas cavas regurgitet. In illo tantum casu, ubi insufficientia valvulae tricuspidalis cum insufficientia valvulae mitralis con- juncta est, id quod saepe evenit, non raro ostium venosum dextrum solum endocarditide afficitur, dilatatio et hypertrophia ventriculi dextri reperitur. Atrium dextrum mox eodem modo valde dilatari, facile est intellectu, quae dilatatio eo gravior videtur, si vitium valvulae mitralis simul existit. Aliud symptoma nullo modo negligendum est, infirmitas soni secundi arteriae pulmonalis, qui eo magis perspicuus esse solet, quo gravior regurgitatio sanguinis in atrium est, et quo minus hypertrophia secun- daria ventriculi dextri explicatur; sin talis hypertrophia orta est, levis tensio arteriae pul- monalis per eam compensatur et postea hoc ad dignoscendum valvulae tricuspidalis vitium grave symptoma deficit. Maximae autem auctoritatis duo tantum supra commemorata sunt phaenomena. Haec etiam apud patrem observabantur, strepitus qui in loco thoracis atrio dextro respondente audiebatur eo tempore, quo Traube patrem explorabat, tam levis, ut alio modo eum interpretaretur. Tum symptomata constituit haec: 1) Exstat parva ventriculi dextri dilatatio, 2) Auditur strepitus levis eodem temporis momento, quo ventriculi se contrahunt, 3) Vena jugularis ostendit pulsationem. Quomodo haec phaenomena explicanda sunt? Pro cordis vitio, inquit, diserte hoc malum habendum non est; strepitus enim est mimis levis; quem magis sonorum esse oportet apud virum, qualem videmus patrem, cujus cor fortiter sese contraheret, si revera vitium valvulae exstaret. Morbum porro, ait, ita progressum, ut hydropem pedum excita- verit, ostendere etiam oportere strepitu sonoro impedimentum sanguinis circulationis in corde. Denique, si pulsatio venae jugularis internae, illo tempore jam valde perspicua, posita esset in valvulae tricuspidalis insufficientia, strepitum etiam hoc morbo excitatum sonitum pulsationi venae respondentem ostendere debere. Haudquaquam igitur inquit, le- vitas strepitus congruit cum aliis phaenomenis. Attamen etiam pulsum, ait, venae jugu- laris non esse pathognomonicum signum hujus morbi, quum non exactissime systolae cordis synchronicus sit et denique insufficientia per se exstante valvulae jugularis excitari queat. Quod ad hanc rem pertinet, infra de ea breviter disseram. Secundum phaenomena igitur observata conclusit Prof. Traube, morbum non con- 2*
    digitised image 1
    digitised image 2
    digitised image 3