Specimen medicum inaugurale exhibens editionem libri Hippocratis De capitis vulneribus : quod ... offert Johannes Hendrikus Rutgers / [Hippocrates].

  • Hippocrates. De capitis vulneribus. Latin
Date:
1849
Catalogue details

Licence: Public Domain Mark

Credit: Specimen medicum inaugurale exhibens editionem libri Hippocratis De capitis vulneribus : quod ... offert Johannes Hendrikus Rutgers / [Hippocrates]. Source: Wellcome Collection.

    25/100 (page 5)
    I 5 productae sunt, brevis autem per mediam capitis longitu¬ dinem in longam utramque lineam desinit. At cui neutra parte caput prominet, hic suturas literae X similes habet. Lineae vero ita a natura productae sunt, ut altera quidem transversa ad tempora perveniat , altera per medium caput in longitudinem feratur. II. Duplex autem est os ad caput medium: maxime autem dura et densa pars eius est suprema et infima, quae membranae contigua est. A suprema vero parte et infima, a durissimis et densissimis continuo pergit ad molliores partes et minus densas et magis cavas ad diploen usque. Est autem diploe ossis pars maxime cava et mollissima et maxime cavernosa. Ac totum capitis os, si supremam atque infimam partem admodum exiguam demas , spongiae simile, multasque veluti carunculas humidas continet, quas si quis digitis conterat, sanguis ex illis prodibit. Insunt quoque in osse venulae tenues et cavae, sanguinis plenae. Quod igitur ad duritiem quidem et mollitudinem et cavitatem spectat, sic se res habet, quod vero ad crassitudinem et tenuita¬ tem, hoc modo. III. Totius capitis os id tenuissimum et maxime imbe¬ cillum , quod ad sinciput est, idque quam minimam et tenuissimam carnem hac capitis parte in se habet, cere¬ brumque plurimum eo loco subest. Cumque haec ita se habeant, ubi tela ictusque aequales fuerint magnitudine, vel minores, tum etiam aequaliter vulneratus aut levius, os hac capitis parte magis colliditur et frangitur, et medium