Specimen medicum inaugurale exhibens editionem libri Hippocratis De capitis vulneribus : quod ... offert Johannes Hendrikus Rutgers / [Hippocrates].

  • Hippocrates. De capitis vulneribus. Latin
Date:
1849
Catalogue details

Licence: Public Domain Mark

Credit: Specimen medicum inaugurale exhibens editionem libri Hippocratis De capitis vulneribus : quod ... offert Johannes Hendrikus Rutgers / [Hippocrates]. Source: Wellcome Collection.

    29/100 (page 9)
    ubi alioqui ex vulnere quis iuerit periturus, hyeme quam aestate diutius vivit. V. Ubi vero a telo acuto et levi impressum in osse vestigium fuerit, idque solum ita ut neque findatur, neque collidatur aut medium desidat, quod aeque in anteriore capitis parte ac posteriore accidere potest, ex his mors etsi consequitur, non aequo tamen iure contingit. At ubi nudato osse sutura in vulnere conspicitur, quacumque ca¬ pitis parte vulnus exstiterit, minime omnium vulneri ac telo resistit, si forte telum in ipsam suturam incubuerit, tumque vel maxime, si vulnus sincipite, iuxta debilissimam capitis partem, exceptum fuerit, suturaeque in vulnus incur¬ rant, et telum ipsas suturas attigerit. VI. Vulnerum ossis capitis tot sunt genera: et sub quoque genere plures sunt in vulnere fracturae formae. Os sub vulnere finditur, ossique rimam habenti qua parte fissum fuerit collisionem accedere necesse est; quodcumque enim telum os findit, idem os plus minusve collidit, ipsum nempe os, in quo rima inest, et ea ossa, quae circa rimam sita sunt. Hocque genus unum est. Rimarum autem variae sunt formae. Nam et tenuiores sunt et tenuissimae, ita ut neque quaedam conspicuae sint, neque protinus a vul¬ nere , neque quibus diebus homini id magnopere prodesse posset. Rursus nonnullae rimae crassiores et latiores exis- iunt, quaedam etiam latissimae. Et aliae quidem longius