De structura gangliorum penitiori / auctore Nathanael Lieberkuehn.

  • Lieberkühn, Nathanael, 1822-1887.
Date:
1849
Catalogue details

Licence: Public Domain Mark

Credit: De structura gangliorum penitiori / auctore Nathanael Lieberkuehn. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    16/20 (page 16)
    tiunt. Sed non certum finem invenimus inter materiem utramque, dum variis locis in diversis fibris duplices extremae lineae evanescunt, priusquam granosa cellulae materies appareat. Aliquoties paullulum granosae materies cellulae in initio fibrae videmus. Num id praeparatione efficiatur, difficile dictu est. Ouod vero Wagner et Bidder viderunt, saepe medullam nerveam in cellulam intrare, [et interdum usque ad cellulam in fibra nervea pergere] ego nondum observavi. In cellulis a me observatis, in quibus fibra in nucleo finiebat, medulla nervea prope et intra cellulam dicto modo mutata non apparuit, sed tantum medulla aliquid a cellula remota. Et in gangliis spinalibus et nervi sympathici plerumque tenues fibrae cum parvis cellulis et cum magnis crassae fibrae cohaerent. Inter extremam magnitudinem cellularum et fibra- rum magnitudo quaeque existit. Manifestum autem est, in sympathico parvas cellulas cum tenuibus fibrillis magnas numero superare, in gangliis spinalibus magnas praeesse. Sed id tantum ad unum idemque individuum valet. Apud diversa individua saepe, praesertim valde diversae aetatis, cellulae parvae alius magnas superant. Accidit autem interdum, ut etiam in uno eodemque individuo cellulae gangliorum spinalium cellulas nervi sympathici magnitudine 'omnino non superent. Wagner observavit, aliquoties apud parvas cellulas ab uno latere tenuem fibram, ab altero crassam exire. Bidder idem ob- servasse sibi videtur. Si hoc verum est, ne e parvis quidem cellulis sym- pathicis dictis semper sympathicas fibras, quae vocantur, prodire constat. Reliqua est quaestio, num fieri possit, ut fibra nervea dum progreditur attenuetur, ut crassa fibra tenuis fiat. De hac re nondum certi quidquam afferre valeo. Si id observaretur et quod Wagner vidit, confirmaretur, explicari posset, quomodo fiat, ut in sympathico tot fibrae tenues existant, quarum in gangliis spinalibus tam paucas invenimus, et quo modo fiat, ut nervus in ganglion iniens tenuior sit, quam exiens. De qua re apud ranam non invenimus, quod Wagner de torpedine enarrat, fibras exeuntes cras- siorem vaginam habere, quam ineuntes. DE TELA CONJUNCTIVA GANGLIORUM. Si neurilema accurate a ganglio spinali removeris, fibrillas telae con- junctivae plerumque non invenies. Interdum vides tenuissimas fibrillas, quae