Disquisitiones de liene : commentatio quam ad veniam docendi in Academia Fridericiana Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Octobris anni MDCCCLXI hora Xi / publice defendet Franciscus Schweigger-Seidel.

  • Schweigger-Seidel, Franz, 1834-1871.
Date:
[1861]
Catalogue details

Licence: Public Domain Mark

Credit: Disquisitiones de liene : commentatio quam ad veniam docendi in Academia Fridericiana Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Octobris anni MDCCCLXI hora Xi / publice defendet Franciscus Schweigger-Seidel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    23/38 (page 19)
    conglobata facilius secernitur, quam illa a reliquo lienis parenchymate. Vaginae tela, prae folliculis, qui magis sub oculos cadunt, facile prorsus negligitur. Quae res solum in glandularum bene duratarum secturis perspici possunt ac praesertim in praeparatis iniectis propterea, quod colorum diversitas iniectione effecta terminationem inter vaginae et parenchymatis telam magis perspicuam reddit. Ex omnibus iis, quae adhuc de illa re protuli, breviter haec statui possunt: Subalba parenchymatis loca, quae in nonnullorum animalium lienibus inveniuntur, impletae arteriarum vaginae lympha- ticae respondent et corpuscula Malp., proprie sic dicta, aut simplices huius vaginae intumescentiae sunt, magis minusve globosae, aut veri folliculi, intra illius rete trabeculatum exorti. Haec explicatio, ut opinor, iis, quae de vesicularum Malp. diversitatibus scimus, nusquam repugnat. Quae enim hac de re nota sunt in variante et vaginae et folliculorum statu posita sunt. Nam et maiore aut minore corpusculorum lymphaticorum numero et copiosiore aut magis exigua ex capillaribus, quae in folliculis abundant, transu- datione, et difficiliore aut faciliore cellularum formatarum delapsu aut extensio aut contractio vesicularum Malp. efficiatur necesse est. Neque nunc opus esse videtur, ut quaeram num vesiculis Malp. peculiaria vasa lymphatica deducentia tribuenda sint, qua de re antea multi disputaverunt. Imprimis enim cavendum est, ne vesiculas Malp. pro formationibus prorsus separatis iet pro se exstantibus habeas, quae, quod etiam nonnulli existimarunt, ffortasse sine certa utilitate in liene versentur [Sasse')]. Singulae globosae cellularum coacervationes nihil aliud sunt, quam partes inter se coniunctae glandularum conglo- batarum substantiae, quae in liene viget. Hanc autem cum vasis lymphaticis cohaerere et cellulas in ea exortas vasis lymphaticis deduci, satis, ut opinor, inter omnes constat. Certiora quidem de illa cohaerentia, exceptis glandulis lymphaticis nondum scimus et ad directum materiarum ex vesiculis splenicis in vasa lymphatica transi- tum demonstrandum una tantum Gerlachii observatio afferri potest, qui post vasorum capillarium in corpusculis Malp. diruptionem massam 2 ■x- 1) Cf. Meissner’s Iahresbericht v. 1806.