The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club.
- Date:
- 1838
Licence: Public Domain Mark
Credit: The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club. Source: Wellcome Collection.
30/544 (page 22)
![lewid, and buxom to do evil. Theise ij. ben felowis, and fastenyd to-geder, for to stonde to wele or to wo. The soule chose the wey of penaunce, and in alle that it may, it sterithe the fleshe therto, but the lewde fleshe, that hathe no mynde of perilis that ben to come, takithe dilectacione of the wordle, and fleithe the way of penaunce ; so that in tyme of dethe the soule is y-bondone in the prisone of Helle, and the fleshe is castyne in to a diche, sell, a grave or a buryelle. And when the domys-man, sell, our Lord Jhesu Crist, comythe to deme, than the soule shalle pleyne vpon the fleshe, and the fleshe vpone the soule, but the domys-man, that wolle not be stoppyd for prayer ne for mede, shalle thanne dampny the soule, for she folewid the instigacione of the fleshe, and the flesh, for it wolde obeye and triste to the soule. And therfore late vs study to tame our fleshe, that it obey vnto God, and so by argument we shulle haue euerlastyng life in blisse. God graunt vs that of his endeles mercy! Qui cum pair e, & c. [ ix. ] [EMPERATOR FIIEDERICUS.] [f. 198, b c. i.] Fredericus was a wise Emperour, regnynge in the cite of Rome, the whiche hadde a faire douter; and whanne the Emperour was in his dethe-bedde, he bequathe to his dowter alle his empire. So what tyme that a certayne erle hurde of this, after the dethe of the Em- perour, he come to the dameselle, and sterid hire to synne, and anoon the dameselle enclined to his wordis. So whanne the dameselle was filid with synne, he put hire out of hire empire ; and than she made lamentacione more than ony man can trowe, and 3ede into an other kyngdome or cuntre. So it happid in a certayne day, as she sat in hire sorowe and weping, she sawe afer comyng to hire-ward a faire](https://iiif.wellcomecollection.org/image/b22007118_0030.jp2/full/800%2C/0/default.jpg)
