The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club.
- Date:
- 1838
Licence: Public Domain Mark
Credit: The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club. Source: Wellcome Collection.
47/544 (page 39)
![therfore alas ! that euer I was ybore, for sorowe!” And evene forth- with he strepide him, and shewide his woundis that he had receiuede for him in bataille, and seid, “ Loo! what I haue suffrede for the, where as I put non vnworthier thing for the then my owne body ; and now thou sendist another to sit in my cause ! Forsoth I servide neuer suche anothir lorde! ” When the Emperoure herde thes wordis, he was confuside in hym selfe, and seid, “ O ! dere frende, this F-2-] that thou seist is sothe; thou savedist me fro dethe; thou keptist me, and broughtist ayene my doughter; and thes woundis thou haddist for my love. Now, sothly, I shal come doune, and sytte for the in my owne persone, that shal turne the to grete ioy and com- fort.” And so it was ydo ; the Emperoure discendide, and deter- mynede the knyghtes cause, in so grete plesaunce to the knyght, that alle men commendide the Emperoure, that disposide so wele for his true knyght. Moralite. Good men, this Emperoure may be callide euerye good Cristene man, or els alle mankynd; the whiche hadde a feire doughter, sell. the soule y-made to the liknesse of God. The erle is the Deville, that by etyng of the appille ravisshede the soule, and deflouride her; and so alle mankynde was in his seruitute vnto that there come a strong knyght, soil, oure Lorde Jhesu Crist, that fought bytwene the Deville and mankynde, when he heng on the crosse ; for ife that had not bene, we had be loste, and perpetuellye dampnede ; and he brought ayene the doughter, sell, the soule, for the which he suffrede smert woundis. But then the knyght havith a cause to spede, sell. oure Lorde Jhesu Crist wolde fynde in vs a perfite lyf, and therfore he knokkith on vs eche day, that we be redy to him ; for he seithe, Ecce sto ad ostium, et pulso; siquis apperuerit, introibo ad eum, et cenabo cum illo, et ille mecum, this is to sey, Lo! I stond atte the](https://iiif.wellcomecollection.org/image/b22007118_0047.jp2/full/800%2C/0/default.jpg)
