The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club.

Date:
1838
Catalogue details

Licence: Public Domain Mark

Credit: The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club. Source: Wellcome Collection.

    48/544 (page 40)
    dore, and knok; who that openyth to me, I shal go in to him, and I shal sowpe with him, and he with me. But many done as did the Emperoure, thei settith another man; soil, ife thei shulde do penaunce, thei settith another to fulfille her fawtis. Non sic impii, non sic, this is to sey. Not so wikked man, not so. Do hit thi selfe, for God set not another for the, but he suffred his owrne bodye be woundide for the ; and therfore in confusione of vnkynd men he hongith opynly on the cros nakede, to shew hem his woundis. And therfore. Seres, let vs be kynd ayene, and sulfre for him som penaunce or peyne, that we be not foundene in the daye of dome withoute som good thing or dede; for he that suffrith for the loue of God any peyne in this worlde, he shal haue therfore an hundride folde mede, and euer- lastyng life. Ad quam, &c. [ XIV. ] ADRIANUS THE EMPEROURE. Adrianus regned a wys Emperoure in the cite of Rome; the which ordeinede for the lawe, that euery knyght aftir that he myght no more vse armys, for feblenesse, he shulde be put oute of the em- [f. 20 . c. 1 o pire; and ife that he myght be founde within the empire, aftir that he were impotent, he shulde be ded withoute pite. There was a knyght namede Porphirius, a wise man, and witty in armys and in alle his werkys. When he come in to age, and loste his strengthe, he callid to him his sone, that was a knyght, and seid, “ Dere sone, thou knowest what is the lawe of the Emperoure; and now I am feble, and may no lenger vse armys, I mote be put oute of the em- pire, and therfore I not how I shalle lyve.” Then seid his sone, “ Fader, if hit happe the to dye, I am redy to dye with the. Neuer- theles in sight of alle men thou shalt entry in to a shippe, and at