The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club.

Date:
1838
Catalogue details

Licence: Public Domain Mark

Credit: The old English versions of the Gesta Romanorum: edited for the first time from manuscripts in the British Museum and University Library, Cambridge, with an introduction and notes / By Sir Frederic Madden. Printed for the Roxburghe Club. Source: Wellcome Collection.

    65/544 (page 57)
    and alle the chose childryne of God moste vse the spirituelle medi- cyne, and haue nede of hit, for withoute hit there is non helth in no creature. Also of what crafte or of what myster beth moste and fewist ? soil, the pope; for eche man is a pope ouer him selfe, and is yholde to laboure for his owne helthe. Also how many daies iourneys ? This terme or this dyet, is not ellis but the terme of thi lyfe ; for ife that we lyvede an c. yere, hit is but an houre as to regarde of euerlastyng lyfe. And therfore let vs make him, that settith suche a dyet in vs, to rise with vs, and lig with vs; and lat vs traveille so wele, that we mowene passe oute of the worlde as clene as we entride, thurghe me- ritory werkes. Also difference is bytwene riche and pouere, sell, he riche, that hath many vertues, by the which he doth plesaunce to [f. 205. c. i ] God; and he is pouere, that lakkithe vertue. And therfore let vs la- boure for suche richesses, wherthurghe we mow come to the kyng- dom of Hevene. Ad quod fyc. [ XX. ] BONONIUS THE EMPEROURE. Bononius was regnyng a wise Emperoure in the cite of Rome, but in alle his tyme he lay as he were seke; and therfore he sent mes- sangers in to diuers contres, for to wete ife there were any lechis that myght hele him, that he myght be brought vnto him. And at the last there was oon yfounde, callide Aueroys, that was sotille in crafte, and a good practiser. When he was brought byfore the Emperoure, and saw him, he seid to him, “ Sir, rest you mery, and ioyeth in oure Lorde.” And he bad him shew his vryne; and so it was ydone. Whenne he had yseyne his vryne, he ordeyned a medycyne, and yaf hit to the Emperoure, by the which the Emperoure had his hele. i