De rhachitide eiusque vi in pelvis femineae formam : adnotationes epicriticae ad historiam sectionis Caesareae nuper in clinico obstetricio Bonnensi peractae : dissertatio inauguralis medica ... / submittit Aemilius Paulus Hermannus Kilian ; partes adversariorum suscipient Eduardus Schoenfeld, Georgius Walter, Otto Lange.

  • Kilian, Emil Paul Hermann, 1831-
Date:
[1855]
Catalogue details

Licence: Public Domain Mark

Credit: De rhachitide eiusque vi in pelvis femineae formam : adnotationes epicriticae ad historiam sectionis Caesareae nuper in clinico obstetricio Bonnensi peractae : dissertatio inauguralis medica ... / submittit Aemilius Paulus Hermannus Kilian ; partes adversariorum suscipient Eduardus Schoenfeld, Georgius Walter, Otto Lange. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    22/34 (page 16)
    pravam illam consuetudinem sequar, atque diametrorum mensuris tanta luxuria com- mentationem meam obruam, quanta novissimae pelvium deformitatum relationes saepius praecellunt. Constat enim, has mensurarum copias maxima ex parte negligi atque le- ctorum impatientiam patientiam scriptorum prorsus aequiparare. Totius pelvis formatio a solita pelvium formatione plane abhorrens statim primo aspectu in memoriam vocat eam spatii mutationis rationem, quae in vera osteomalacia quae dicitur invenitur. Ossa ilium a parte antica in adversum adeo incurvata sunt, ut locum haud mediocriter depressum efficiant, qui licet sulcum iliacum praebeat non tam magnum atque altum, ut in pelvis osteomalacica interdum fieri solet, tamen magno- pere, praesertim in parte dextra, ei assimilis est. Ossa, ut iam dixi, tanta sunt tenui- tate, ut ad veritatem loquar, si margine quidem angusto excepto, gracilis chartae epistolaris crassitudinem ea habere affirmo, atque tam esse tenuia ac fragilia, ut levissime tacta perfringantur. Os ilium dextrum pollices tres altum ac pollices duos et lineas tres latum est; os ilium sinistrum pollices duos et lineas novem altum ac pollices tres latum est. Praeterea diametros adversa magna pollices sex et lineas decem, diame- tros autem adversa parva pollices sex et lineas novem habet. Pelvis minor ? si eam ex glto contemplaris, prorsus eodem modo, ut in pelvibus vere osteomalacicis fieri solet, spatium trifidum praebet, quod quidem in figura [Tab. II.] tam distincte, ut in sceleto exstat, depingi non poterat, cum pelvim, ut plures eius proprietates simul effingi possent, non plane e sublimi sed aliquid ex antica delineari necesse esset. Spatium trifidum cum omnino, tum inprimis in superiori parte pelvis dimidii sini- stri, cuius configuratio inde valde asymmetra est, maximis angustiis laborat. Pars angustissima autem inter superiorem pariem vertebrae lumbaris quartae atque synoslo- sin pubo-iliacam sinistram iacet, et Ires tantum quatuorve lineas lata est. In latere dextro autem eadem pars pollicem unum et lineas novem lata est, cum corpus verte- brae lumbaris quartae a symphysi ossium pubis fere pollicem unum et lineas decem absit. Ipsa pelvis cavitas sola symphysi ossium pubis, quae lineas undecim alta est, atque quintae vertebrae ac quartae corporibus, quae adeo delapsa sunt, ut veram pa- rietem posteriorem pelvis minoris fere sola efficiant, formatur; nam os sacrum atque os coccygis, quae alias hoc pelvis spatium efficere solent, hic tanta sunt exilitate atque adeo incurvata, ut summum os coccygis superiori primae vertebrae sacralis margini ex adverso positum sit, ita ut distet unam duasve lineas. Arcus ossium pubis, cuius formatio admodum mutata est, pro aliis spatii coarcta- tionibus, minore tantum coarctatione affectus est, nam etiamnum arcus distinctus exstat,