Itinerarium Cambriae: seu laboriosae Balduini ... / per Walliam legationis accurata descriptio ... Cum annotationibus Davidis Poweli.

  • Gerald of Wales
Date:
1804
Catalogue details

Licence: Public Domain Mark

Credit: Itinerarium Cambriae: seu laboriosae Balduini ... / per Walliam legationis accurata descriptio ... Cum annotationibus Davidis Poweli. Source: Wellcome Collection.

    21/290
    [ ] GIRALDI CAMBRENSIS EPISTOLA AD CAPITULUM HEREFORDENSE DE LIBRIS A SE SCRIPTIS. Ad illos tutum habet accessum justa petitio, quorum non ignoratur discretio pariter et eruditio. Rogo itaque, quatenus librum nostrum, sc. Ecclesiee Speculum, Beato dEthelberto anno jam fere praeterito datum, mihi per hunc Clericum praesentium latorem, ad corrigendum adhuc plenius et utilia quaedam locis competentibus adjiciendum, remittere velitis. Memorialem autem interim vobis Topographiam Hibernicam, et Vaticinalem Hibernicae Expugnationis Historiam, opera duo sc. et diversa, sed uno volumine conserta, per eundem destinavi; quem cum melioratum susceperitis, quod in proximo fiet, et emendatum, alium, si placet, remittetis. Peto similiter et illud, quatenus in Topographia nunc missa, in distinctione prima, quasi juxta principia, tractatum de avibus earumque naturis in allegoriis etiam adaptatis, percurrere legendo non postponatis; pretium nam- que laboris et praemium fore mihi noveritis, quoties eruditis oculis aut auribus se forte subjicere scripta mea contigerit. Nosse vos enim pro certo volui, quod transactis annorum curriculis triginta vel pluribus, cum circiter editionem dictae Topographiae primam et libri recitationem in publica cleri audientia per triduum solemniter Oxoniae factam, cum Archiepiscopus Cantuariensis Baldvinus, vir quidem valde literatus et in Sacris Scripturis affatim eruditus, dictum de avibus