De regeneratione tendinum post tenotomiam, experimentis illustrata : dissertatio inauguralis physiologico-chirurgica ... / publice defendent auctor Adolphus Gerstaecker ; opponentibus E. Bethe, P. Polenz, E. Wolter.

  • Carl Eduard Adolph Gerstaecker
Date:
[1851]
Catalogue details

Licence: Public Domain Mark

Credit: De regeneratione tendinum post tenotomiam, experimentis illustrata : dissertatio inauguralis physiologico-chirurgica ... / publice defendent auctor Adolphus Gerstaecker ; opponentibus E. Bethe, P. Polenz, E. Wolter. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    14/36 page 14
    44 Praeterea ita tendines dissecuit 111. Pirogoff, ut cultellum ex posterioribus tibiam versus induceret, quo facto tali modo tendinum regenerationem effectam esse contendit: Nonnullis diebus post tenotomiam peractis, vagina tendinis modice tantum incrassata et leniter rubefacta apparet; coagulum sanguineum in illa nullum adest, si hoc excipias, quod interdum in tendinis vul- neribus parva sanguinis copia accumulata est. Non multo post parietes vaginae in contactu reperiuntur, unde fit, ut post hebdomades nonnullas spatium vacuum nullum in illa reperiatur. Dissectione anatomica post mensem integrum vel post hebdomades sex instituta, fines tendinis tantopere remoti sunt, ut spatium illis interjectum longitudinem 2 adaequet; vagina in medio hoc spatio ita constricta apparet, ut ex conis duobus, quorum acumina sese contingunt, bases vero finibus tendinum insident, composita esse videatur. Tendinum fines admodum incrassati et adeo duri sunt, ut simili- tudinem quandam cum tela cartilaginea praebeant. Jam ex comparatione horum experimentorum cum prioribus 111. Pirogoff, sanguinem in regeneratione tendinum magni momenti esse, concludit, quum ubicun- que sanguis in vaginam tendinis effusus sit, substantia intermedia fibrosa producatur, ubi vero sanguis defuerit, vagina vacua tendinum fines conjungat. Quam opinio- nem ut certiorem faceret, nova experimenta instituit, ita ut, postquam tendinem Achillis sine haemorrhagia dissecuit, sanguinem ex vena jugulari ejusdem ani- malis detractum in vaginam tendinis immiserit, deinde
    digitised image 1
    digitised image 2
    digitised image 3