Oratio in Theatro Collegii Regalis Medicorum Londinensium ex Harveii instituto, habita die Octobris XVIII, A.D. MDCCCVIII / A Ricardo Powell.

  • Richard Powell
Date:
1809
Catalogue details

Licence: Public Domain Mark

Credit: Oratio in Theatro Collegii Regalis Medicorum Londinensium ex Harveii instituto, habita die Octobris XVIII, A.D. MDCCCVIII / A Ricardo Powell. Source: Wellcome Collection.

    16/36 page 10
    sumptus suppeditarent, locupletavit. Sive igitur spectemus, vel numerum sublevatorum, vel facultates huic usui dicatas, vel stu- dium quo administrantur, nusquam Europae gentium institu- tiones his pares facile inveniemus. Vix nisi in Urbibus primariis diversae morborum formae atque figurae in studiosorum commodum una colligi, aut cadaveribus secandis humani corporis fabrica investigari potest. Apud illas autem artis praecepta percipere, et usu et exercitatione consequi, eodem tempore concessum est. Neque hoc tantum: sed me- dicum etiam decet, ut mos est ingenuorum, prius in Academia, educatione, philosophia, et doctrina liberali, institutum esse, et ad scientiam suam his prius imbutum et expolitum descendere. Ibi quinetiam primitias medicinae auditor accipiat, nam, per experientiam doctorum et praecepta peritorum itinere prae- monstrato, ipsi brevior fiet labor. Magistros ad hoc quoque munus designari fundatoribus laus est, ut illi tamen officiis suis re non nomine tantum perfungantur, id ab Academiarum nostrarum gubernatoribus providendum est. Nos quidem Ox- onienses nihil ad medicinam excolendam sacris illis sedibus deesse, immo larga manu quodcunque facile desiderares, sup- peditari, scimus; sed nihil studii, nihil operae, nihil facultatum, in hisce muneribus obeundis conferri, invitus, coactus, fateor. Stipendia et insignia manent, sed in quibusdam vix et ne vix quidem habentur ex more praescriptae praelectiones, vix identi- dem inter officia Professoris aestimatur ibidem commoratio. Academias nostras summa veneratione colendas, et judico, et mihi propono, longe igitur absit ut, si quid ipse eas admoneam, id pro opprobrio dictum usurpetur; sed dolore afficior quoties studiosam medicinae juventutem, se apud exteros nobilissima
    digitised image 1
    digitised image 2
    digitised image 3