De rariori et singulari animalium quorundam vertebratorum habitu, anomalum interdum vel luxuriantem naturae formatricis typum arguente : prolusio academica, qua die XI Maji natalicia Joannis Friderici Blumenbach ... pia grataque mente celebrat / Fridericus Sigismundus Leuckart.

Friedrich Sigismund Leuckart

Date:: 1832

Credit: De rariori et singulari animalium quorundam vertebratorum habitu, anomalum interdum vel luxuriantem naturae formatricis typum arguente : prolusio academica, qua die XI Maji natalicia Joannis Friderici Blumenbach ... pia grataque mente celebrat / Fridericus Sigismundus Leuckart. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

20/26 page 16

$\ AVES. Jam ad Aves progrediamur, quibus inter omnia animantia, ni fal- lor, habitus maxime congruus typusque maxime sibi constans. Quare paucas tantum ad nostrum consilium respicientes recenseamus. Genus forma peculiari maxime opinor insigne Aptenodytarum ]), mare pacificum inprimis inhabitantium, illud est, quod infimum inter aves occupat locum. Ubi praesertim alarum structura de testudinum marinarum pedibus pinnifor- mibus aperte nos admonet, quum impennes ferme sint, pennulis squamae- formibus consitae, pedes vero brevissimi et tali modo parti posticae inserti, ut, si terram petant, non nisi corpore erecto procedere possint. Habitu alarum, quamvis pennis instructarum, imperfecto neque ad volatum apto insignes Struthiones et Casuarii utuntur. Casuario indico etiam caput cor- nutum est et pennae plures corneorum aculeorum speciem habent. Pala- medea cornuta etiam cornu capite longius et tenue in fronte gerit. Non- nullae aliae praeterea aves, v. c. Crax Panxi, Philedon corniculatus, cornigerae sunt. Nullum vero aliud animal caput cornutum specie tam singulari accepit quam aliquot Bucerotum generis species, ex quo Buceros Rhinoceros prae ceteris nominandus est, cujus rostrum et cornu frontale magnitudine ita enormi sunt, ut corporis magnitudinem fere aequent, et, quod mirum est, organis respiratoriis ex parte annumeranda sint, quippe eximia cellularum aeriferarum copia repleta. Natura aliis etiam excrescentibus, cornuum, ni fallor, ad instar, multas aves, inprimis mares, ornavit, ad quas cartilagi- neae et carneae capitis cristae et prominentiae, quales in Numida Melea- gride, Vulture (Sarcorampho) Grypho, Penolope Satyra, Phasiano Gallo (Gallo Banckiva cet.), Meleagride Gallopavone et aliis inveniuntur, referri possunt. In multis avibus pennas huic vel illi loco insertas, praeter mo- /?. Forster, in Coramentat. Societ. Scient. Gotting. Yol. III, 1781. 4. p. 121, $q. c. icon. —$