Dissertatio medica de corneitide scrofulosa ... / publice defendet auctor Robertus Froriep.

  • Robert Froriep
Date:
1830
Catalogue details

Licence: Public Domain Mark

Credit: Dissertatio medica de corneitide scrofulosa ... / publice defendet auctor Robertus Froriep. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    3/22
    Aevo recentiore, in quo omnes rerum naturalium scientiae partes locupletantur, observationum copiam semper semperque accumulando, necessarium videtur singidas res, ne turba earum clarae cognitioni impedimentum inferat, universae subjicere rationi. Hoc agendi modo singula illustrantur nec non universa. Novarum rerum enuntiatione enim non noti solum cognitio amplior redditur et clarior, sed res nova etiam, si cognitarum ordini jungitur, explicatione non amplius caret nec perspicuitate. Sicuti contentio haec in omnes scientiae naturalis partes jure potest transferri, maxime perspicua est, quam si pathologiae adaptas, in qua obscurarum vacillan- tiumve rerum in memoria accumulatio periculum minitatur ob arctissimam inter pa- thologiam et therapiam conjunctionem. Igitur in observandis aegritudinibus, quae in singulis organis aut partibus corporis oriuntur, explicari, quae sit morbi relatio ad omnem aegrotantis constitutionem, et quaestionem solvi, annon morbus localis non nisi valetudinis adversae organismi totius manifestatio sit judicanda, necessarium videtur. Medicus, qui morborum organa singula afficientium naturam investigans rationem habet connexus illius inter totum organismum et singularum partium affectiones morbosas, hoc modo saluberrimas similitudines inveniet et ad demonstrationem verae indolis et evolutionis morbi majorem lucem afferre poterit aeque ac ad cognitionem artis sa- nandi. — Hoc respectu non infausta videri posset Semiotices amplificatio, quum haec doctrina non singula solummodo symptomata morbosa tractaret et explicaret, sed etiam cunctas symptomatum collectiones sive singulas aegritudinum imagines perlu- strare conaretur et demonstrare, quomodo compositae hae imagines interdum signa imo vero symptomata tantum sint universae organismi conditionis. — Uberrimus pro hac scrutationis pathologicae methodo fons est illa organismi humani conditio sinistra, quam scrofulosin vocamus, quum nec ullum forsan telarum organicarum syste- ma, nec ullum imo organum in corpore humano possit inveniri, in quo iste morbus non appareat interdum sub forma quadam distincta veluti libera sive ab alia organis- mi conditione non pendente. Plerumque etiam morbi hi secundarii nomen audiunt, quod ad conditionem corporis primariam nullo modo est referendum. — Scrofu- losis cum diversis morbis ex illa originem ducentibus, cum venenata illa prolis turba, optime nos docet, maxime interesse medici originem cognoscere tot singularum vale- tudinis adversae specierum. In paucis aliis morbis medicus, qui usum solummodo se- quitur et symptomata curat, tam infelix aegrotisque perniciosior est quam in scrofu- losi, si ignorat, tale exanthema, talem abscessum aut morbum ossium, talem blenor- rhoeam aut inflammationem ullum telarum systema corrumpentem non nisi symptoma esse scrofulosis; dum medicus caute et religiose morbi naturam perscrutans, affectionem localem signum esse morbi totius organismi, cognoscit et hac ratione saepius, organismi conditionem generalem curans, in brevi temporis lapsu illam tollit, postquam medicaster ille forsan per annos remediis localibus frustra adducere voluerat faustam morbi finem.
    No text description is available for this image
    No text description is available for this image
    No text description is available for this image