Popular treatises on science written during the Middle Ages, in Anglo-Saxon, Anglo-Norman, and English / Edited from the original manuscripts by Thomas Wright.

  • Thomas Wright
Date:
1841
Catalogue details

Licence: Public Domain Mark

Credit: Popular treatises on science written during the Middle Ages, in Anglo-Saxon, Anglo-Norman, and English / Edited from the original manuscripts by Thomas Wright. Source: Wellcome Collection.

    153/164 (page 133)
    For ech of the sovene mai gret vertu an urthe do, Bothe of weder and of frnt, as here poer 3if therto ; And also men that beoth i-bore under here mi^te i-wis Schulle habbe diverse mi^te, and lyf, after that here vertu is, Summe lechours, and summe glotouns, and summe other ma- nere; Natheles a man of god in-wit of alle thulke him mai skere : For planetes ne doth non other bote ^eveth in manes wille, To beo lither other god as here vertu wole to tille. And ^yveth also qualite to do so other so, And no^t for than bi his in-wit ech man may do. For such qualite nath noman to beo lechour other schrewe. That ne mai him witie ther a3en, ac natheles so doth fewe. Of this sove pla[ne]tes also gret poer 3e i-seoth, For sove dayes of the wyke ther-after i-cleped beoth ; Of Saturnus, Saterday; and Soneday of the sonne ; Of the mone, Moneday, ho so rekene conne. Of a planete eche day in the wyke i-cleped is, In Englisch other a Laty, bote 3e herkny amis; And for Mars and Saturnus lither in here poer beoth, And lute God an urthe doth, as this clerkes i-seoth; Therfore me schoneth moche thane Saterday bigynne, And the Tuesdai, eni work for eni god on to wynne. Among alle the planetes the sonne a-midde is. As the kyng a-midde his men to wissen alle i-wis ; Ase the sonne mai schyne aboute hem echon, For alle hi habbeth l^t of hire, with hire no3t on. As me mai the mone i-seo while heo is nue r^t, A lute run del, as a sikel, me s^th therof that l^t; And al that other del with-inne blac as a reven is. So blac is al the mone of him silve i-wis, Bote ther as the sonne schyneth that 3eveth hire li^t al, And maketh hire so schyne aboute as heo schynde in crestal; For whan the sonne schyneth in crestal other in water cler, A gret leome hit 3eveth out a3en, and schyneth fur and ner, Also fareth the mone i-wis, the sonne schyneth a-doun r^t Evene on hire, and a3en among ous sent his l^t. And for the sonne is fur above r^t to-fore the prime, Bynethe hire the mone is evene and the sonne schyneth sum tyme. In thother side al of the mone, and hider-ward r^t now^t, Thanne ne seo we no3t of hire ne heo ne 3ifth no l^t, So that the sonne bifore goth lute and lute i-wis, And schyneth on the nerre half in thulke that ner him is, And maketh the mone wexe so lute and lute bistounde, So that whan hit he3ful is the sonne goth to grounde.