Libri de arte obstetricia / [Lukas Johann Boër].

  • Johann Lucas Boër
Date:
1830
Catalogue details

Licence: Public Domain Mark

Credit: Libri de arte obstetricia / [Lukas Johann Boër]. Source: Wellcome Collection.

    17/402 page 3
    demum, finita inter pelvim matris ac foetus formam ratione, prima inventa principia sunt , quibus naturalis partus pro- cessum intimius scrutari, tum artificiosi auxilii componere modum possumus. Atque quam mirabile hic in tentationibus suis apparet hominis ingenium! Ante tot saecula mortalis, sola plerumque curiositate motus, anxia praecisione immen- sa emetitus corpora et spatia est: i Frigida Saturni, quo sese stella receptet, Quo ignis coeli Cyllenius erret in orbes; at nunc tandem primum occipit, quae proxime ad se per- tinent , quorundam ossium divergentias significare, eoque organicam illam exprimere functionem, qua felici sorte vel infelici prodit in lucem mundi omnis humana progenies. Nuncque fulta quodammodo principiis geometriae , et utroque instrumento locupletata ars obstetricia et matri et foetui oppido saepe salutem tulit* Neque abnegamus tamen, ex nimia in assumptas computationes inclinatione , partim etiam* atque cummaxime, ex machinarum abusu, permultum damni factum, remque saepe totam in artis ipsam perniciem fuisse conversam* Ita quondam inter Batavos summum ob- stetricantis meritum in possessione vectis Roonhusii erat ; donec duo humanissimi viri rectique amantes, auro ac sponso mysterio venditum toties, tum maximo ultimoque pretio ad- scitum sibi simplex ferri frustum universo orbi pervulgarent. Non procul pariter ab nostra aetate obstetricantum forceps in ipsissima illa regione , ubi brevi ante ne quidem admissa fuerat, nimium non tam in usus, quam in abusus adhibe- batur , ut naturam, ablegato quasi a se in forcipem partu, huic operi suo in perpetuum renuntiasse crederes. Attamen ut plerumque ex opposito ad extrema devolvi- mur , ita propemodo hic evenit. Dum alii scilicet instrumen- tis frustra, imo saepius , damnose utebantur ; alii contra haud segnius ad perniciem se praestabant, propterea, quod illa ne unquam esse applicanda, planeque supervacua dixe- rint. Quantumcumque vero aliena ista opinionum et princi- piorum discordia in singulis casibus offecit, hoc tamen com-
    digitised image 1
    digitised image 2
    digitised image 3