Libri de arte obstetricia / [Lukas Johann Boër].

  • Johann Lucas Boër
Date:
1830
Catalogue details

Licence: Public Domain Mark

Credit: Libri de arte obstetricia / [Lukas Johann Boër]. Source: Wellcome Collection.

    36/402 page 22
    Regunt enim animum hominis nobiliores et subtilissimi stimuli: levia quaedam fluxaque momenta rerum, vitae seu obsonia seu venena. Sed tamen vehemens valde et re- pens commotio omnis infensa est. Atqui talia duplex ple- rumque in gravidis damnum habent; proprium quippe et traductum aliud ad prolem. Sic ex vehementi ira aut subito terrore abortus sequitur: postquam ab affectu mox commo- vere se foetus desiit, tum superveniente indignatione obo- ritur febricula, abscedente partu intempeste , et cum pro- fluvio» An vero ea sit aliquando affectuum, appetitionum et in- tus in matre motuum vis et potentia in tenellum foetum, ut monstruosa inde in membris ejus compago et structura pro- deat, hanc circa rem anceps opinio haeret. Desunt, quae fidem faciant, neque tamen quispiam confirmatus in oppo- sito est. Nullos ad usque in chorda umbilici nervos prae- monstrari, id quidem parum facit, ut fieri res non possit; concessa enim etiam quadam inter nervos matris ac foetus compassione et nexu, quis inde explicabit, quemadmodum ex horrore incendii a matre in foetum adustionis nota immi- gret? Quave ratione mater ex conspectu mendici cum muti- lato femore, aliquot menses post, prolem pariat, itidem cum truncato crure ? Equidem probe scimus, in hujusmodi rebus multum fortunae tribui, atque ipse compertum habeo, mul- tas naturae simplices varietates, ut hominibus imaginatio et singularis in prodigia facilitas inest, accidisse ab horrore ex aspectu dici. Verum etiam ingenuus sum, ut non dissimu- lem, propterea, quod aliqua res desit, haud recte negari, aliam existere posse, quum, etiamsi alteram concesseris, alterius tamen et obscurioris nec explicationem nec quandam comprehensionem invenias. Etsi vero cum vehementia et celeritate irruentes affectus matrem ac prolem saepe affligant; nocent tamen plerumque minus, quam aliae passiones, quae lente incedunt quidem, sed mora ingrati sensus valitudinem et vitam eo certius evertunt. Id enim omnis aegritudo habet, ut ad segnes et laboriosos
    digitised image 1
    digitised image 2
    digitised image 3