Libri de arte obstetricia / [Lukas Johann Boër].

  • Johann Lucas Boër
Date:
1830
Catalogue details

Licence: Public Domain Mark

Credit: Libri de arte obstetricia / [Lukas Johann Boër]. Source: Wellcome Collection.

    45/402 page 31
    Meridie rursus invisi. Idem fere status, ut mane, prae- terquam quod intra tempus subviridem et mucosam mate- riam vomuerit, dolente per attactum regione circa praecor- dia. Rediere per vices conatus et dolores, a similitudine pariendi nisus vix alieni. Igitur, quo de re certior fierem, tota manu tentavi; nec moleste magnum capitis ambitum comprehendi. Incubuit nempe caput, sicut mane, sutura sagittali in diametro pelvis obliqua, facie retro ad rectum os ilei spectante. Quoad carnem in vagina et reliquas partes nihil clarius cognovi; vagina ipsa nec inflammata, neque dolens erat. Interea retractam manum flava sanie obductam habui, quae quidem non tam gangraenam, quam dilutum meconium et amnion redolebat. Confisus caput meliori forte nixus reditu usque in aperturam depressum iri, ut instru- mento eximi possit, convenire vesperi hora sexta tirones monui. Ad tempus congressi experimur ex ministrantibus, prae- ter auctas omnes passiones , miseram vomitu rursus et ante horam gravi deliquio prehensam fuisse. Pulsus mire fati- scens , difficilis spiritus, et lita tenaci et frigido sudore facies. Ex quibus quoniam apparuit, nihil posse in salutem curari; contra parientem quavis periclitatione confestim oc- casuram esse; tum etiam, quod aperte foetus mortuus inerat; alioqui moribundae a novis poenis parcere omnium humanissimum putavimus. Obiit post sex horas secunda matutina. Tum, brevi mol- litum ex morte ventrem pro aequabilitate parans, ad facien- dam in linea alba sectionem, membra foetus et alias partes subter tegumenta distinctius percepi, quam vulgo licet, at- que antea poteram. Incisa post carne ventris copia foetidis- simi aeris erupit, et producto cultro confestim infantis dor- sum sub peritonaeo in conspectum venit. Incubuit scilicet capite super aperturam pelvis, facie retro ad rectum latus versa, reliquo corpore ac pedibus ferme extensis, ut hi por- recti infra sub costis matris essent. Tumefactus ac verisi- militer pridem jam mortuus infans ex tota cute nigre varie-
    digitised image 1
    digitised image 2
    digitised image 3