Libri de arte obstetricia / [Lukas Johann Boër].

  • Johann Lucas Boër
Date:
1830
Catalogue details

Licence: Public Domain Mark

Credit: Libri de arte obstetricia / [Lukas Johann Boër]. Source: Wellcome Collection.

    49/402 page 35
    tum etiam illud cogites, quantopere in multis gravidis et parientibus ea extendatur, quamque parum tamen quoquover- sus custodita sit, tantum abest, ut miremur, illam rumpi aliquando, ut potius admiremur, non crebrius rumpi. Illa ipsa quippe suprema portio, in qua, dum ex vagina foetus in ventrem ruit, facta laceratio esse semper debet, maximam vim patitur, evanido nempe et retracto uteri ore, effluxis dudum aquis, et rem orant e, validis tametsi nisubus, ad supremam pelvim capite, (^uo casu vagina tota super foetus bregma ea vi extrahitur tenditurque, quam contra- hens se uterus irrito conatu in promovendum caput per na- turalia exserit. Tum alicubi in vagina minor esse cohaesio, quam ut resistere ultra valens sit ; tum inevitabiliter rup- tura sequitur. Dolendum, in defunctis tali offensa, genitale, ossaque praesertim, haud solertius perquisita fuisse. Eae saltem, de quibus hic sermo erat, partum languentem et difficilem ha- buere , ut itaque videatur, illis citra modum ac maxime in margine superiori difformem fuisse pelvim. In exemplo, quod Bonetus narrat, haec noxa tanquam rupturae causa proprie declaratur. Disponunt utique ad similes laceratio- nes , inter caetera, declinata quidquam et alta pubes aspero margine, angusta pelvis in suprema ora, debilis et curta vagina, praetensum uteri collum, tenuis raraque cellulosa tela, et vicinarum partium inflammatio et sphacelus. Nec tamen certae significationes sunt, quae exsecrabi- lem casum portendant, aut quid aliud agi jubeant, quam quod ex causis molesti partus, et aliis rebus alioqui indica- tur. Sed vehemens tamen et pervicax, et multum alienus, praecipue circa pubem, omnis dolor obstetricem in suspicio- nes moveat. Crucians scilicet in illa parte sensus in narra- tis exemplis rupturam nunquam non praecessit; in omni quippe organismi animalis vehementi intus mutatione cala- mitatis primo monitor, postea comes dolor est. Inter dolo- rem etiam plerumque ruptura fit. Secessus sanguinis ex va- gina, partium, ni sphacelus eas exstinxit, continuus dolor,
    digitised image 1
    digitised image 2
    digitised image 3